Serokê Herêma Kurdistanê pêşwaziya Balyozê Fransa li Iraq kir

Îro pênçşem 14/06/2012 birêz Mesûd Barzanî Serokê Herêma Kurdistanê li Selahedîn pêşwaziya birêz Dênîs Gawêr Balyozê Fransa li Iraq û şanda li gel kir.

Li hevdîtinê de, ku Konsolê Fransa li Hewlêr amade bû, sebaret bi pêvajoya hilbijartinên Fransa û pêvajoya siyasiya Iraq û pêwendiyên di navbera Herêm û welatê Fransa û pêşhatên navçeyê hate guftûgokirin.

Serok Barzanî û Balyozê Fransa li Iraq pêşxistina pêwendiyên di navbera Herêma Kurdistan û Fransa bi girîngî wesif kirin û tekez li ser pêşxistina wan pêwendiyan kirin.