Heta sala 2025ê Kurdistanê dibe yek ji welatê tûrîstî li ser astê cîhanê.
Duhî roja yekşemiyê 19ê gulana 2013ê, civata aboriya Kurdistanê, bi amadebûna Îmad Ehmed cîgirê serokwezîr, di bin serokatiya Nêçîrvan Barzanî serokwezîrê Kurdistanê de civiya û di civînê de rewşa tûrîzmê li herêma Kurdistanê nirxand.
Di civînê da raporek li ser rewşa tûrîzmê li herêma Kurdistanê hat pêşkeş kirin û di raporê de mekanîzma pêşxistina warê tûrîzmê li herêma Kurdistanê û cîbicîkirina stratejîya pêşxistina tûrîzmê de hatibûn diyar kirin. Di raporê de hatibû diyar kirin ku, ji sala 2007ê heta sala 2012ê nêzîkî 2 milyon 200 hezar tûrîstan serdana herêma Kurdistanê kiriye ku dahatiniyê wê dike 650 milyon dolar.
Pilana warê tûrîzmê jî di raporê de hatbû diyar kirin û li gor wê pilanê ku, ji du qonxan pêk tê, qonaxa yekem heta sala 2015ê û qonaxa duyem jî heta sala 2025 ye. Li gor pilanê heta sala 2025ê Kurdistanê dibe yek ji welatê tûrîstî li ser astê cîhanê.
Borseya Hewlêrê mijarek din a civînê bû û beşdarên civînê bi dûrûdirêjî minaqeşe li ser qonaxên cîbicîkiirna pirojeyê borseyê kir û ew pêngavên heta nuha ji bon vê pirsê hatine avêtin bilind hatin nirxandin. Civînê tekîd li ser ê yekê kir ku, ji bona birêvebirina borseya Hewlêrê û destbikarbûna wê hevahengî digel çend kompaniyên amerîkî û navdewletî û bi tyabetî hevahengî digel borseya Îraqê jî hatiye kirin. Borseya Hewlêrê bi sîstemeke elektironî a modern wek sîstema borseyên cîhanî hatiye amade kirin û borseya Hewlêrê dê bi borseya Îraqê û borseyên cîhanê ve bê girêdan.
Damezranduna kopmaniya xwedî hise mijareke din a civînê bû û civata aboriya Kurdistanê tekîd li ser wê yekê kir ku, hebûna kompaniya xwedî hise li herêma Kurdistanê û hebûna hiseyên hevwelatiyan bi taybetî di kompaniyên mezin de dê sudeke mezin bo aboriya herêma Kurdistanê hebe û dê bibe sedemê dirustbûna baweriyê û beşdariya hevwelatiyan bi awayekî dîrekt di avakirina aboriya welêt de û dê roleke mezin di vejandina aborî û bikaranîna sermayeyê hevwelatiyan de bilîze.
