Herêma Kurdistanê pêşwaziyê li kompaniyên Almaniyayî dike

Nêçîrvan Barzanî serokwezîrê Kurdistanê, duh 15.04.2013ê li bajarê Hewlêrê pêşwazî li Rolf Ulrîc konsulê giştiyê Almaniyayê yê li herêma Kurdistanê kir.

 Di dîdarekê de, peywendiyên navbera herêma Kurdistanê û Almaniyayê û çewaniya xurtkirin û berfirehkirina wan têkeliyan hat behis kirin.

 Serdana vê dawiyê ya Nêçîrvan Barzanî serokwezîrê Kurdistanê bo Almaniyayê û civîna digel Angela Merkel û berpirsên din  mijareke din a civînê bû û konsulê giştiyê Almaniyayê yê li herêma Kurdistanê ew serdan bi serdaneke giring û serkeftî wesif kir û hêvî kir ku, ew serdan destpêka qonaxeke nû ya têkeliyên navbera Hewlêr û Berlînê, bi taybetî di warê sermayerazandin û enerjiyê de, be.

 

Nêçîrvan Barzanî ji konsulê almaniyayî re got ku, hikûmeta herêma Kurdistanê bi her awayî piştevaniya şirket û kompaniyên almaniyayî dike ku, li herêma Kurdistanê digel kompaniyên welatên din yên ewropayî û cîhanî pirojeyan di warên cihê de encam bidin.

 

Têkeliyên navbera Hewlêr û Bexdayê, kirîza siyasiya Îraqê û rewşa emnî li Îraqê mijareên din yên civînê bûn.