Balyozê Venzwêla: Em amade ne peywendiyên xwe ligel Kurdistanê bihêz bikin
Hewlêr-KDP.info- Serokê Hikûmeta Herêma Kurdistanê pêşwazî li Balyozê Venzwêla li Iraqê kir û çend mijar hatin gotûbêj kirin.
Îro Duşema 10.06.2024ê Serokê Hikûmeta Herêma Kurdistanê Mesrûr Barzanî pêşwazî li Balyozê Venzwêla li Iraqê Arturo Anibal Gallegos Ramirez kir û Balyozê Komara Venzwêla silav û rêzên Serokomarê Venzwêlayê Nicolas Maduro gihand Serokê Hikûmeta Herêma Kurdistanê û amadebûna welatê xwe ya ji bo bihêzkirina peywendiên li gel Herêma Kurdistanê nîşan da. Bi taybet di warê bihevguhertina bazirganî û enerjî û veberhênan û çandinî û geştûguzarî de.
Serokê Hikûmeta Herêma Kurdistanê jî daxwaza Herêma Kurdistanê ya ji bo pêşdebirina peywendiyên li gel Venzwêlayê di warên cuda de teqez nîşan da.
