PDK û YNK li ser 3 xalan lihev kirin: Parêzgarê Kerkûkê Kurd be
Hewlêr-KDP.info- Partiya Demokrata Kurdistanê (PDK) û Yekîtiya Niştimaniya Kurdistanê (YNK) îro Yekşema 4.2.2024 Ii Dabeşana Silêmaniyê civiyan.
Di daxuyaniya hevbeş a Partiya Demokrat a Kurdistanê û Yekîtiya Niştimaniya Kurdistanê de hat gotin:
“Di civînê de piştî nirxandin û guftûgokirina rewşa siyasî û aborî ya herêmê û pirsgirêkên neçareserkirî yên bi hikûmeta federal re bi giştî û budçe, debara jiyanê û mûçeyên karmendan bi taybetî û hilbijartinên encûmenên parêzgehan bi berçavgirtina berjewendiyên bilind ên neteweyî û niştimanî li ser 3 xalan lihevhatinek hat kirin.”
Li gorî daxuyaniyê PDK û YNKyê li ser 3 xalan li hev kirine:
1. Herdu alî di vê qonaxê de ji bo berjewendiya welatiyên parêzgeha Kerkûkê li hev kirin divê parêzgarekî Kurd ji bo xizmeta xelkê bajêr û bajarokan were destnîşankirin.
2. Herdu alî hevdeng bûn ku erkê YNK, PDK û hemû aliyên Kurdistanî ye ku desthilata herêmê û destkeftên şoreş, têkoşîn û xwîna şehîdên Kurdistanê biparêzin.
3. Ji bo çareserkirina pirsgirêkên siyasî û aborî yên herêmê bi hikûmeta federal re di asteke bilind de, divê her du alî hewla çareserkirina pirsgirêkan bi giştî û jiyan, xizmetguzarî, budce û mûçeyên karmendan bidin.”
