Nêçîrvan Barzanî û Balyozê Japonyayê pêwendiyên aborî gotûbêj kirin
Hewlêr-KDP.info- Serokê Herêma Kurdistanê Nêçîrvan Barzanî û Balyozê Japonyayê yê li Iraqê Futoshi Matsumoto li Hewlêrê civiyan û pêwendiyên aborî gotûbêj kirin.
Di hevdîtinê de berfirehtirkirina pêwendiyên Japonyayê li gel Iraq û Herêma Kurdistanê bi taybetî di warê aborî de hat gotûbêjkirin.
Nêçîrvan Barzanî û Futoshi Matsumoto tekezî li ser wê yekê kirin ku pêwîst e aramiya siyasî û ewlehiyê li Iraqê were parastin da ku zemîneke guncaw ji bo vegerhênana biyanî were çêkirin.
Herwiha herdu aliyan, derfet û warên ku kompanyayên Japonî dikarin li Iraq û Herêma Kurdistanê kar bikin nirxandin.
Di hevdîtinê de ji bilî van mijaran, pêwendiyên Hewlêr û Bexdayê, pişka bûdceya Herêma Kurdistanê û mafên darayî û pêşhatên navçeyê hatin gotûbêjkirin.
