سەرۆكی هەرێمی كوردستان ساڵیادی دامەزراندنی گۆڤاری صوت الآخر پیرۆز دەکات

به‌ بۆنه‌ی هەشتەمین ساڵیادی ده‌رچوونی گۆڤاری "صوت الآخر"، بەڕێز مسعود بارزانی سه‌رۆكی هه‌رێمی كوردستان پەیامێکی پیرۆزبایی ئاراستە کرد و هیوای خواست گۆڤاره‌كه‌ زیاتر گه‌شه‌ به‌ خۆی بدات به‌شێوه‌یه‌ك كه‌ خزمه‌تی پرسی دیموكراتی و فیدراڵی و پێكه‌وه‌ ژیان بكات و دیدی راسته‌قینه‌ی گه‌لی كوردستان بگه‌یه‌نێته‌ ته‌واوی عیراق.

ئەمە دەقی پەیامەکەی سەرۆک بارزانی- یە:

به‌ ناوی خوای مه‌زن و دڵۆڤان

به‌رێزان سه‌رنووسه‌ر و ته‌واوی ستافی گۆڤاری (صوت الآخر)

سڵاوورێز

به‌ بۆنه‌ی 8 ساڵه‌ی ده‌رچوونی گۆڤاری (صوت الآخر) ، جوانترین پیرۆزباییتان لێده‌كه‌م .

هیوادارم گۆڤاره‌كه‌تان زیاتر گه‌شه‌ به‌ خۆی بدات به‌شێوه‌یه‌ك كه‌ خزمه‌تی پرسی دیموكراتی و فیدراڵی و پێكه‌وه‌ ژیان بكات و دیدی راسته‌قینه‌ی گه‌لی كوردستان بگه‌یه‌نێته‌ ته‌واوی عیراق و هاوشانی مینبه‌ره‌كانی راگه‌یاندنی دیكه‌ی عه‌ره‌بی بێت كه‌ ئه‌مه‌یش پێویستی به‌ هه‌وڵ و كۆششی ئێوه‌ی به‌رێز هه‌یه‌.

هه‌ر شاد و سه‌رفراز بن

مسعود بارزانی
سه‌رۆكی هه‌رێمی كوردستان
4/6/2012