رێڤه‌به‌ریا گه‌شت و گوزارا دهوكێ ئاهه‌نگا ساخكرنا بیره‌وه‌ریێن ئادار و نه‌ورزێ سازكر
دهوك-KDP.info/ لژێر چاڤدێریا ته‌مه‌ر ره‌مه‌زان پارێزگه‌رێ دهوكێ رێڤه‌به‌ریا گه‌شت و گوزاری ل دهوكێ و ب سپونسه‌ریا كومپانیا یوبی هولدینگ ب هه‌لكه‌فتا ژ دایك بونا بارزانیێ نه‌مر و سه‌رهلدانا باژارێ دهوكێ و جه‌ژنا نه‌وروز و سه‌ر سالا كوردی ئه‌ڤرو رێكه‌فتی 13/3 ل هولا سه‌نته‌رێ ره‌وشه‌نبیری ئاهه‌نگه‌ك هات سازكرن.
ل ده‌سپێكێ په‌یڤا بخێر هاتنێ ژ لایێ رێڤه‌به‌رێ گه‌شت و گوزارێ عوبه‌یدوللا باله‌ته‌ی ڤه‌هات خواندن و ل ده‌سپێكا په‌یڤا خودا پیروزباهیێن خو ئاراستی هه‌موو خه‌لكێ كوردستانێ بگشتی و خه‌لكی َدهوكێ ب تایبه‌تی كرن ب هه‌لكه‌فتێن بیره‌وه‌ریێن ئادار و نه‌وروزێ و سه‌رهلدانا باژارێ دهوكێ و ژدایك بونا بارزانیێ نه‌مرو پاش زور بگه‌رمی بخێرهاتنا هه‌موو ئاماده‌بویان كر و سوپاسیا وان كر كو به‌شداری ئاهه‌نگێ بوین و هه‌ر وه‌سا سوپاسیا كومپانیا یوبی هولدینگ كر ژبو سپونسه‌راتیا ڤێ ئاهه‌نگێ ب ستویێ خوڤه‌گرتی وه‌پاشان چه‌نده‌ك ژ كار و به‌رنامێت رێڤه‌به‌ریێ به‌رچاڤكرن ژبو خزمه‌تكرنا هاولاتیان د بیره‌وه‌ریێن ئادار و نه‌وروزێ دا.
پاشان په‌یڤا لقا ئێك ژلایێ عبدالخالق بابیرێ ئه‌ندامێ ئه‌نجومه‌نێ سه‌ركردایه‌تی و به‌رپرسی َلقا ئێك یا پارتی ڤه‌هاته‌خواندن ل ده‌سپێكێ پیروزباهیێن خو و لقا ئێك ئاراسته‌ی هه‌موو خه‌لكێ كوردستانێ و ب تایبه‌تی یێن باژێرێ دهوكێ كر ب هه‌لكه‌فتێن ئادار و نه‌وروزێ و ژدایك بونا بارزانیێ نه‌مر و گوت: كه‌یف خوشم كو ڤێ ئێڤارێ دگه‌ل هه‌وه‌به‌شدارم د ئاهه‌نگا ساخڤه‌كرنا بیره‌وه‌ریا ژدایك بونا بارزانیێ نه‌مر و سه‌رهلدانا پیروزا خه‌لكێ باژیرێ دهوكێ كو ب راستی ئه‌ڤ ئاهه‌نگه‌یا كو ژلایێ رێڤه‌به‌ریا گه‌شت و گوزارێ ڤه‌هاتیه‌رێكخستن ژبو هندێ كوئه‌ڤ هه‌ردوو بیره‌وه‌ریێن و زور گرنگ و پیروزێن نه‌ته‌وه‌یی یێن خه‌لكێ كوردستانێ نه‌و ساخكرنا وان رامانا سیاسی و تێكوشین و به‌رخودانا خه‌لكێ كوردستانێ دڤان سه‌د سالێن پری نه‌خوشی و ئازار و ده‌ربه‌ده‌ری و زولم و زورداری دا دیتی كو هیڤیا دایك و باب و خوشك و برا و زاروكان بو روژه‌كێ ژبن ڤێ زولمێ ئازادببن و وه‌لاتێ خو ئاڤه‌دانبكه‌ن و ب شادی بژین له‌وما سه‌رهلدان روژه‌كا زور گرنگ و پیروزه‌وه‌ژبه‌ر هندێ ساخڤه‌كرنا بیره‌وه‌ریێن سه‌رهلدانێ ئه‌ركێ هه‌ر تاكه‌كێ خه‌لكێ كوردستانێ یه‌چونكه‌كێشا نه‌ته‌وی كێشا جڤاكی یه‌له‌وما زور ب پیروزی دزانم كو ڤان بیره‌وه‌ریا ساخڤه‌كه‌ینه‌ڤه‌و ل دوماهیا په‌یڤاخودا ده‌ست خوشی ل رێڤه‌به‌ریا ناڤبری كر ژبو سازدانا ڤێ ئاهه‌نگێ.
پاشان به‌رده‌وامی دان ب برگێن دناڤ ئاهه‌نگێ دا كو پارچه‌هوزانه‌ك ژلایێ هوزانڤان قادر قاچاغ ڤه‌هات خواندن و هه‌روه‌سان چه‌ندین سترانێت قه‌شه‌نگ و خوش ژلایێ هونه‌رمه‌ندان صلاح ئه‌مین و زویا ڤه‌هاتن گوتن و نمایشكرنا كورته‌فیلمه‌كی لسه‌ر بیره‌وه‌ریێن ئادار و نه‌ورزوێ هات نیشاندان
