پارێزگه‌ها دهوكێ به‌رهه‌ڤیان دكه‌ت بوئاهه‌نگێن ئادارونه‌وروزێ
دهۆک- تایبەت ب KDP.info / ل كوچكا پارێزگه‌ها دهوكێ ب ئاماده‌بونا گورگیس شلیمون پارێزگه‌رێ دهوكێ ب وه‌كاله‌ت و(د.فازل عمر) سه‌روكێ جڤاتا پارێزگه‌هێ ومسعود سه‌رنی نونه‌رێ لقێ 1 یێ پارتی كومبونه‌ك دگه‌ل چه‌ند رێڤه‌به‌ر ونونه‌رێن فه‌رمانگه‌هێن میری كومبونەك سازكرن ...دكومبونێدا به‌حسێ چاوانیا خو ئاماده‌كرن بو سازكرنا ئاهه‌نگێن ئادار ونه‌وروزێ وخوشكرنا رێك وئه‌و جهێن كو خه‌لك دێ قه‌ستكه‌تێ بو گێرانا وان ئاهه‌نگا ب گشتی هاته كرن...
هه‌روه‌سا به‌حسێ چاوانیا خه‌ملاندنا باژێر وباژێركێن پارێزگه‌هێ كو ده‌ربرینێ ژخوشیێن ئادارێ ونه‌وروزێ بكه‌ت هاته كرن .
دكومبونێدا ئه‌رك وكار ل سه‌ر لایه‌نێن په‌پیوه‌ندیدار هاتنه به‌لافكرن بو هندێ هه‌رلایه‌ك و رێڤه‌به‌ریه‌ك ب باشترین شێوه خو به‌رهه‌ڤكه‌ت بو ئه‌نجامدانا وان ئاهه‌نگا
(د.فازل عمر) سه‌روكێ جڤاتا پارێزگه‌هێ بو سازیێن راگه‌هاندنێ ئاخفت : كومبون بو وێ چه‌ندێ بو كو ل روژێن بهێت دێ چاوا پێشوازیێ ل یادێن ئادار ونه‌وروزێ كه‌ین، به‌ری نوكه گازنه‌ده‌ك هه‌بو كو باژێرێ دهوكێ وه‌كو باژێرێن دن یێن هه‌رێمێ كێمتر د هێته خه‌ملاند ئه‌ڤ كومبونه ژی ژبه‌ر هندێ بویه ڤێ گازندێ ژپێشچاڤ راكه‌ین. دكومبونێدا بریار هاته دان كو باژێرێ دهوكێ وهه‌موو باژێركێن پارێزگه‌هێ بهێنه خه‌ملاندن وپتر گرنگی ب بیره‌وه‌رێین ماین یێن ڤێ مه‌هێ بهێته دان . بیره‌وه‌ریا سه‌رهلدانا دهوكێ یا حكومه‌تێ بتنێ نینه به‌لكو بیره‌وه‌ریا خه‌لكێ پارێزگه‌هێ ژی یه ویا فه‌ره خه‌لك ژی پشكداربیت دخه‌ملاندنا باژێری دا
دیسان بونا بارزانیێ نه‌مر كو ئێك ژوان كه‌سان بو كو ژیانا خو هه‌موو بوملله‌تی ته‌رخانكربو ژبوب ده‌ستڤه‌ئینانا ئازادیێ وئه‌ڤرو ئه‌و ئازادی هاتیه ده‌ست له‌ورا روژا بونا وی روژا مه هه‌میانه پێدڤی یه خه‌لكێ مه ژی خو لڤێ روژێ بكت خودان..،
هه‌روه‌سا بو ئاهه‌نگێن نه‌وروزێ پێدڤی یه خه‌لكێ مه ژی دگه‌ل حكومه‌تێ ب هه‌ڤرا ڤان بیره‌وه‌ریێ ساخبكه‌ن وئه‌ڤه سه‌رفرازیه بو مه هه‌میان وژبه‌ر ڤێ یه‌كێ دڤێت گرنگیكا پتر پێ بهێته‌دان . رێڤه‌به‌ریێن په‌یوه‌ندیدار هه‌موو دێ كه‌ڤنه دخزمه‌تێ دا بو په‌یداكرنا جهێ سه‌یرانچیا وپه‌یداكرنا ئێمناهیا وه‌لاتیان چونكو گه‌له‌ك خه‌لك دێ ژ ده‌رڤه ژی قه‌ستا پارێزگه‌هێ كه‌ن بو سازكرنا ئاهه‌نگێن هه‌نێ هیڤی دارین هه‌موو خه‌لكێ مه ومێهڤانێن قه‌ستا پارێزگه‌هێ دكه‌ن ب خوشی وته‌ناهی روژێن خو ده‌ربازكه‌ن...
دفازل عمر ئه‌و یه‌ك ژی دیاركر كو ئه‌و یێ به‌رهه‌ڤیێن باش دكه‌ن بو ساخكرنا روژا پارێزگه‌هبونا دهوكێ وگرنگیه‌كا تایبه‌ت دێ ب وێ روژێ هێته دان.
