مانۆری سەربازی هاوبەشی هێزەکانی ئەمریکا و کۆریا دەستی پێکرد
KDP.info/ئەمرۆ مانۆری سەربازی هاوبەشی هێزەکانی ئەمریکا و کۆریای باشوور سەرەرای هەڕەشەکانی کۆریای باکوور بە هێرشی ئەتۆمی بۆ سەر ئەمریکا دەستی پێکرد، لە گەڵ دەستپێکی مانۆرەکەشدا، کۆریای باکوور پچراندنی پەیوەندییەکانی راستەوخۆی لە گەڵ کۆریای باشوور راگەیاند، دوای هەڵوەشاندنەوەی رێککەوتنی ئاگر بەستی نێوان باکوور و باشووریش لەلایەن کۆریای باکوورەوە، هێزەکانی ئەمریکا و کۆریای باشوور لە ئامادە باشی دان بۆ ئەگەری هەر هێرشێکی چاوەن کراوی کۆریای باکوور، ئاژانسی هەواڵی یۆنهابی کۆریا راگەیاند: مانۆرە سەربازییەکە بە ناوی ریسۆلفە و تا 21ی ئەم مانگە درێژەی دەبێت و تێدا 10هەزار سەربازی باشوور و 3500سەربازی ئەمریکا بەشدارن.
