بەركرنا جل و بەركێن كوردی ل ناڤا قوتابخانێن دهۆكێ دا بەرز هاتە راگرتن

دهوك- تایبه‌ت ب KDP.info/ ب هەلكەفتا 10/3 روژا لبەركرنا جل و بەرگێن كوردی ل سەرجەم و قوتابخانە و رێڤەبەرێن پەروەردا و ماموستا و فەرمانبەرێن پەروەردێ ئەڤرۆ جل و بەرگێن كوردی ل بەركربون.

رێڤەبەرێ گشتی یێ پەروەردێ ل پارێزگەها دهۆكێ بو kdp.infoگوت: زوربەیا قوتابی و ماموستایێن سنورێ پارێزگەها دهۆكێ خو ب جل و بەرگێن كوردی خەملاندبون و دناڤا هژمارەكا قوتابخانادا چالاكیێن جورەو جور هاتنە ئەنجامدان، هەر دو رێڤەبەرێن پەروەردێن قەزا دهۆك روژئاڤا روژهەلات سەرەدانا چەندین قوتابخانا كرن.

عەبد یوسف رێڤەبەرێ گشتی یێ پەروەردێ ل پارێزگەها دهۆكێ ئاشكراكر ئەڤرۆ ل ناڤا دو ئامادەیێن دهۆكێ دا ئاهەنگێن مەزن هاتنە سازدان و جل و بەرگێن كوردی ب پیروزی هاتنە نیشاندان، گوت ل سەر داخازا وەزیرێ پەروەردێ من سەرەدانا پەروەردا تلكێفێ كر ژلایێ رێڤەبەرێ پەروەردا تلكێف و ره سپی و كەسایەتیێن دەڤەرێ پێشوزی لێ هاتنەكرن، ل قوتابخانا گوندێ بێبانێ كو زوربەیا ماموستا و قوتابیان جل و بەرگێن كوردی كربونە بەرخۆ، بیرەوەریا هاتە ساخكرن.