ل دێرەلوكێ پێشوازیەكا گەرم ل بەركرنا جلێن كوردی هاتە كرن
KDP.info / روژا 10/3 كو هاتیە دەست نیشانكرن ژبو بەركرنا جلێن كوردی ل هەرێما كوردستانێ وتایبەت وەزارەتا پەروەردی كو داكوكی لبەر خوەكرنا جلێن كوردی كریە ودەست نیشانكرنا ڤێ روژێ دبیتە ئەگەرەك ژبوی بلند كرنا هەستا نەتەوایەتی وپاراستنا جلك و كەلتورێ كوردێ، لەوما ئەڤرو ل سەرانسەری پەروەردا قەزا ئامدیێ ماموستا ب قوتابیان ڤە پیشوازیەكا گەرم ل بەرخوەكرنا جلكێن كوردی كریە .
سەگڤان موسی، رێڤەبەرێ قوتابخانا جزێری یا بنەرەت بو kdp.infoراگەهاند : ئەز زورێ پێ خوشحالم كو ئەڤرو ئەز ب جلكێن كوردی هاتیمە دەوامێ وسەرجەم ماموستا وقوتابیێن من ژی بجلكێن كوردێ هاتینە دەوامێ ویا باشتر ئەوە ببیتە فەرمان لسەر هەمێ دام و دەزگەهێن حكومی دا كو ب جلكێن كوردی بچنەدەوامێ .
دیسان ناڤبری ئەو یەك ژی دیاركر، كا چاوا دحەفتیەكێ دا روژا بلند كرنا ئالا هەیە دڤیت روژەك بو بەركرنا جلكێن كوردی ژی هەبیت چونكی دبیتە ئەگەرەك بو بلند كرنا هەستا نەتەوایەتی لدەڤ خەلكی وكەلتورو مێژویا مللەتێ كورد دڤان جلكان را دهێتە نیشاندان .
دلداررەشاڤەی
