روژانە ئاڤ بو پەنابەرێن كەمپا دومیز دهێتە دابینكرن
دهوك- KDP.info/ رێڤەبەرێ ئاڤا دەوروبەرێن پارێزگەها دهۆكێ راگەهاند روژانە ئاڤەكا پاقژ بو پەنابەرێن روژئاڤایێ كوردستانێ ل كەمپا دومیز دهێتە دابینكرن و هەتا نوكە چ ئاریشە دئاڤا وان دا پەیدانەبوینە.
ئەندازیار دیندار محەمەد سەلیم رێڤەبەرێ ئاڤا دەوربەرێن پارێزگەها دهۆكێ بوkdp.infoدیاركر نوكە دورێن 50 هزار پەنابەر ل كەمپا دومیز دژین و روژانە هەر كەسەكێ 100 لیترێن ئاڤا پاقژ بو دهێتە دابینكرن و گوت، دابینكرنا ئاڤا پاقژ بو كەمپا دومیز رێڤەبەریا مە ب ئەركێ خو زانی یە، ئاڤا وان ژی ژێدەرێن ئاڤا پاقژ یا فەیدیێ دهێتە دابینكرن.
دیندار ئاشكراكر ژی ل ڤێ دوماهیێ وی پشكداری ل كومبونەكێ دا ل پارێزگەها هەولێرێ كر و تێدا ئەنجومەنی وەزیران بریار دایە ئەندازیارەك و سێ تەكنیكار بو كەمپا دومیز بهێنە دابینكرن و روژانە سەخبێریا كارێن وان یێن ئاڤێ بكەن.
عەبدولا نهێلی
