بەرێوەبەری ئاژانسی موكریان لە مەهاباد دەستگیر كرا

بە پێ سەرچاوەكانی هەواڵ لە رۆژهەڵاتی كوردستانەوە دوێنێ هێزەكانی ئیتلاعاتی ئێران لە شاری مەهاباد هێرشیان كردووەتە سەر ماڵی بەرێوەبەری ئاژانسی هەواڵی موكریان خسرو كوردپوور و دەستگیریان كردووە.

لەم بارەیەوە برای خسرو كوردپوور مەسعوود كوردپوور رایگەیاند كە كاتژمێر یەكی دوای نیوەرۆ بوو كە هێزەكانی ئیتلاعات هێرشیان كردە سەر ماڵی ئێمە و سەرەڕای گرتنی خسروی برام هەر هەمووی ئەشیا و شت و مكە تایبەتییەكانی خسروشیان دەستبەسەر كرد و لەگەڵ خسرودا بۆ شوێنێكی نادیار بردیان.

براكەی خسرو لە بەشێكی دیكەی وتەكانیدا وتوویەتی" هۆكاری دەستگیر كردنی خسرو لە لایەن هێزەكانی ئیتلاعاتەوە بۆ چالاكییەكانی خسرو سەبارەت بە مافی مرۆڤ لە كوردستاندا دەگەرێتەوە.