پارێزگه‌رێ دهوكێ هه‌ڤبه‌ستا بجهئینانا چه‌ند پروژا ل زانكویا زاخو دگه‌ل كومپانیا گورباغ گروپ موركر
زاخو- KDP.info/ ته‌مه‌ر ره‌مه‌زان پارێزگه‌رێ دهوكێ و د. لزگین عبدی سه‌روكێ زانكویا زاخو هه‌ڤبه‌ستا بجهئینانا پروژێن ئاڤاكرنا سه‌نته‌رێ تویژینه‌وه‌ی زانستی و سه‌نته‌رێ قوتابیان و هولا كونفرانسا ل زانكویا زاخو دگه‌ل جاده و باغچێن پێدڤی هاته موكر ن كو ژلایێ گروپێ كومپانیێن گورباغ گروپ ڤه دێ هێنه بجهئینان و پارێ پێدڤی ژلایێ ئه‌نجومه‌نێ وه‌زیران ژ بودجا په‌ره‌پێدانا زانكویا بوهاتیه ته‌رخانكرن و بریاره دماوێ 600 روژا دا ئه‌ف پروژه بهێنه بجهئینان
دداخویانیه‌كێ د. له‌زگین عه‌بدی سه‌روكێ زانكویا زاخو دیار كر كو ل دیف پێدڤیا جڤاتا زانكویا زاخو ئه‌ف پروژه هاتینه ژێگرتن و ب ئه‌نجام دانا ڤان پروژا كو بریاره دماوێ 600 روژا بدیماهیك بهێن دێ گه‌له‌ك ره‌شا زانكویا زاخو به‌رف پێش چیت ب تایبه‌تی دبیاڤێ پێشڤه‌برنا تویژینه‌وه و په‌یداكرنا جهێن گونجای بو قوتایبن و هولا كونفراسنا ژی دێ گه‌له‌ك مفای گه‌هینیته زانكویی و ده‌ڤه‌رێ، هه‌روه‌سا سه‌روكێ زانكویا نافبری دیار كر كو ژێگرتنا كومپانیێن بیانی بو بجهئینانا ڤی پروژه‌ی بو هندێ یه كو پروژه ل دیف ستایل و دیزاینێن پێشكه‌فتی یێن جیهانی بهێنه چێكرن و باشتر مفا ژی ببینین
