خولەكا تەپا بیێ ل پەیمانگەها تەكنیكیا ئامێدیێ بدوماهیك هات

ئامیدیێ- KDP.info/ د خوله‌كا ته‌پا پێ یا بچیككری دا ل په‌یمانگه‌ها ته‌كنیكی یا ئامێدیێ، تیپا قوتابیێن قوناغا دووێ به‌شێ كارگێری كار شیان ناسناڤێ قاره‌مانیێ ب ده‌ست بینن و سه‌ركه‌ڤن ب سه‌ر تیپا ماموستایان(4-3) گولا ب لێدانا په‌نارتیان.

ل یاریگه‌ها بچیككری یا ئامێدیێ و د خولا په‌یمانگه‌ها ته‌كنیكی یا ئامێدیێ دا، كو بو ماوێ 8 روژا یا به‌رده‌وام بوو، هه‌ردوو تیپێن قوتابیێن قوناغا دووێ به‌شێ كارگێری كار و تیپا ماموستایێن په‌یمانگه‌هێ كه‌فتنه‌ به‌رامبه‌ر یه‌ك و د ئه‌نجامدا قوتابیێن به‌شێ كارگێری كار شیان ب (4-3) گولا ب لێدانا په‌نارتیان سه‌ركه‌فتنێ ب ده‌ست بینن.

تێزانین كو ئه‌ڤ خوله‌ ب سه‌رپه‌رشتیا (د.احسان توفیق) راگرێ په‌یمانگه‌ها ته‌كنیكی یا ئامێدیێ و پێرابوونا بنكا وه‌رزشی ل په‌یمانگه‌هێ و ب هه‌ڤكاریا ناوه‌ندا چالاكی و پێگه‌هاندنا لاوان ل ئامێدیێ ژبو دابینكرنا یاریگه‌هێ برێڤه‌چوو.

ل دوماهیێ ژی خه‌لات ژ بال راگریا په‌یمانگه‌ها ته‌كنیكی یا ئامێدیێ ڤه‌ ب سه‌ر باشترین یاریزان و دادڤانێ خولێ و ناوه‌ندا چالاكی و پێگه‌هاندنا لاوان ژبو هاریكاریا وان بو دابینكرنا یاریگه‌هێ و هه‌ردوو سه‌ركه‌فتیێن ئێكێ و دووێ هاتنه‌ پارڤه‌كرن.

 

دلداررەشاڤەی