453 پروژێن خزمەتگوزاری ل سنورێ پارێزگەها دهۆكێ دێ هێنە ئەنجامدان
دهوك- KDP.info/ كوژمێ 215 ملیار دیناران ژ بودجێ گەشەپێدانا پارێزگەها ن بو پارێزگەها دهۆكێ هاتیە تەرخانكرن، پلانا پارێزگەها دهۆكێ دگەل سەرجەم رێڤەبەرێن میری ل سنورێ پارێزگەها دهۆكێ بو سالا 2013 هاتیە دانان 453 پرژێن خزمەتگوزاری ل سەرانسەری پارێزگەها دهۆكێ دێ هێنە ئەنجامدان.
ئەندازیار زانا عەبدولعەزیز ژ سەنتەرێ گەشەپێدان و پێشڤەبرنا پارێزگەها دهۆكێ بو kdp.infoگوت گرنكترێن پروژێن ئەڤ سالە ل سنورێ پارێزگەها دهۆكێ دهێنە ئەنجامدان چێكرنا پاركا قەزا شێخانە بكوژمێ 5،331،242،135 دهێتە ئەنجامدن كەفتی یە دقوناغێن جێبەجێكرنێ دا، و چێكرنا چوتسایدێ ناحیا دێرەلوكێ یا سەر ب قەزا ئامێدیێ ڤە ب درێژاهیا (760م) و بفرەهیا (30م) كو نوكە دقوناغێن جێبەجێكرنێ دا كوژمێ 7،500،000،000 دینار بو هاتینە تەرخانكرن.
زانا ئیماژەكر ژی پروژێ چێكرنا ئوڤەرباسەكێ ل دوریانا كورستان ل جادا k.r.o)) هاتیە ئیحالەكرن بو كومپانیەكێ كوژمێ پتر ژ 19 ملیار دینارا بو هاتینە تەرخانكرن ئەڤ سالە دێ دەست پێ هێتەكرن دێ شێت خزمەتەكا مەزن بو رەوشا هاتن و چونێ ل پارێزگەهێ كەتن.
تەمامكرن و ڤەكرن و قێركرنا جادا كەمەری یا 30م ژ كارگەها ئیسفەنجی هەتا نزاركا نوی بكوژمێ چوار ملیار دینارا دهێتە چێكرن، چێكرنا جووت سایدێ ئاكرێ ل كولیژا پەروەردێ هەتا دگەهیتە هەتا زالگەها سماقوك ب كوژمێ چوار ملیار دینارا.
ناڤبری گوت ژی چەندێن پروژێن خزمەتگوزاری یێن جورەو جور بو خزمەتكرنا وەلاتیان دهێنە ئەنجامدان.
