هونەرمەند كەمال ئاكرەیێ وەغەرا دوماهیێ كر

دهوك- تایبەت ب KDP.info/ ئێڤاریا ئەڤرۆ 4/3 هونەرمەندێ مەزن و بناڤ دەنگ كەمال ئاكرەیێ ل پارێزگەها دهۆكێ ژ ئەگەرێ نەخوشیەكا گران چوو بەر دلوڤانیا خودێ مەزن، و تەرمێ وی هاتە رەوانەكرن بو زێدی باب و باپیران ل ئاكرێ.

هشیار ئاكرەیی نێزك هونەرمەند كەمال ئاكرەیێ تایبەت بو kdp.infoدیاركر ل دەمژمێر چارێ ئێڤاریا ئەڤرۆ هونەرمەندێ مەزن كەمال ئاكرەیێ ل نەخوشخانا تەنگاڤیان ل پارێزگەها دهۆكێ گیانێ خو ژ دەست دا گوت ژی بەری دو حەفتیان توشی جەلتا مێشكی ببو و تەندروستی یا وی گەلەك تێك چوو بو.

ناڤبری خویاكر تەرمێ هونەرمەند كەمال هاتیە رەوانەكرن بو زێدی بابو باپیران ل ئاكرێ و گوت هژمارەكا زورا كەسایەتی و لایەنێن حزبی و حكومی و خەلكێ دەڤەرێ بو خاكسپاردنا تەرمێ وی ئامادەبونە. تەرمێ وی ژی دێ ل گورستانا (سەروك و سەیدا) ل نێزك سیپە هێتە ڤەشارتن.