نێزیكی پێنچ هزار نەمام ل دهۆكێ هاتنە چاندن

KDP.info -دهوك / ب هەلكەفتا 25 سالیا ئەنفالێن رەش و كێمیا بارانكرنا باژێرێ هەلەبچە و جینوسایدا مللەتێ كورد رێڤەبەریا گشتی یا باژێرڤانیێن دهۆكێ ب هەڤكاری دگەل رێڤەبەریا گشتی یا شەهید و ئەنفالكریان و رێڤەبەریا چاندنێ و دارستان و پاوانێ ل پارێزگەها دهۆكێ دەست ب هەوەكا چاندنا نەماما ل سەنتەرێ دهۆكێ و قەزا و ناحێن سەرب ڤە هاتەكرن.

نسرەت محەمەد حەسەن رێڤەبەرێ گشتی یێ شەهید ئەنفالكریان ل پارێزگەها دهۆكێ بو kdp.infoراگەهاند، ئەڤرۆ 4/3 تیمەكێ رێڤەبەریا شەهیدو ئەنفالكریان بەرەڤ ناحیا مانگێشكێ چونە بو مەرەما چاندنا نەماما هژمارەكا زورا نەما هاتنە چاندن، پاشان سەرەدانا گورستانا گوندێ كورێمێ كرن، ئەو گوندێ كومكوژی لایێ روژێما بەعس ڤە ل روژا 28/8/1988 هاتیەكرن.

نسرەت ئیماژەكر ژی ل هەموو قەزاێن سنورێ پارێزگەها دهۆكێ نینەرێن رێڤەبەریا گشتی یا شەهید و ئەنفالكریان بەشداری دهەوا نەمام چاندنێ دا كریە.

ژلایێ خوڤە ئەندازیار هەڤال ئەحمەد رێڤەبەرێ گشتی یێن باژێرڤانێن پارێزگەها دهۆكێ kdp.infoگوت ئەڤرۆ هەوەكا نەمام چاندنێ ل سەرانسەرێ پارێزگەها دهۆكێ دەستپێكر دڤێ هەوا نەمام چاندنێ دا نێزیكێ 5 هزار نەمام هاتینە چاندن.

عەبدولا نهێلی