لە مەریوان چوار قوتابی كورد زیندانی كران
رۆژهەڵاتی كوردستان- KDP.info/ بە پێ هەواڵێكی ئاژانسی موكریان، ئەم چوار قوتابییە چالاكەی شاری مەریوان كە چەند مانگێك لەمەوبەر لە لایەن هێزەكانی ئیتلاعاتی ئێرانەوە دەستگیر كرابوون روانەی گرتووخانەی شاری مەریوان كران.
سەرچاوەكە ئاماژەی بەوە كردووە كە سێ مانگ لەمەوبەر هێزەكانی ئیتیلاعات لە شاری مەریوان بە بیانووی سازادانی چالاكی جوراوجۆر چوار قوتابی كورد بە ناوەكانی سوران دانشوەر، داود قاسمی، محه‌مەد كونەپۆشی و سامان مەحموودییان دەستگیر كردووە.
دوای لێكۆلێنەوە و لێپرسینەوەیەكی بەرفراوان رۆژی شەممە ئەم گیراوانە بە مەبەستی دادگایی كردنیان روانەی دادگای شاری مەریوان كراون و دادگای ئەو شارەش بریاری زیندانیكردنی بە سەر هەر چوار قوتابی چالاكدا سەپاندووە و هەر بۆیە رۆژی یەكشەممە هەر چوار قوتابی روانەی گرتووخانەی شاری مەریوان كراون.
