25 سالیا ئەنفالێن رەش ل سەرانسەری دهۆكێ هاتەساخكرن

دهوك- KDP.info/ ئەڤرۆ ب ئامادەبونا نینەرێن پارێزگەها دهۆكێ و رێڤەبەریا شەهید و ئەنفالكریان و رێڤەبەریا گشتی یا پەروەردێ ل پارێزگەها دهۆكێ هژمارەكا زورا ماموستا و سەرپەرشتێن پەروەردێ 25 سالیا ئەنفالكرن و جینوسایدكرنا گەلێ كورد ل ئامادەیا لەیلا قاسم هاتە ساخكرن، ل دەستپێكی ئالایێ كوردستانێ هاتە بلندكرن و پەیڤێن لایەنێن حكومی هاتنە خواندن و تاجە گولینە هاتنەدانان.

عەبد یوسف رێڤەبەرێ گشتی یێ پەروەردێ ل پارێزگەها دهۆكێ بو kdp.infoراگەهاند، ئەڤرۆ پەیڤەك ل سەر ئەنفالكرنا گەلێ گورد هاتبو ئامادەكرن رێڤەبەرێن سەرجەم قوتابخانێن پارێزگەها دهۆكێ بو قوتابیان خواندن تێدا ئەنفالكرنا گەلێ كورد ئەوێن ب سەر مللەتێ كورد هاتین ل هەمو باژێرو باژێركێن كوردستانێ بو قوتابیان دیاركرن.

ژلایێ خوڤە شەوكەت عابد رێڤەبەرێ قوتابخانا پێشاد یا بنەرەت بو kdp.infoگوت ئەڤرۆ ب ئامادەبونا ماموستا و قوتابیێن قوتابخانێ بیرەوەریا 25 سالیا ئەنفالێن روش هاتە ساخكرن و تێدا چەندێن سەرهاتیێن ئەنفالان بو قوتابیان هاتنە دیاكرن و سرودێن نیشتیمانێ ژلایێ قوتابیان ڤە هاتنە خواندن.

عەبدولا نهێلی