دەوڵەتى یاسا : یاداشتى دەستگیرکردنى رافع عیساوى دەردەچێت
عێراق - تایبەت بە :Kdp.info ئەندامێکى دەوڵەتى یاسا رایدەگەینێت کە حکومەتى عێراق چەند یاداشتێکى دەستگیرکردنى ئەو کەسانە دەردەکات، کە بوونەتە هۆکارى دروستکردنى فیتنە و ئاژاوەگێرى، کە لە نێویشیاندا رافع عیساوى وەزیرى دارایى عێراقى تێدایە، سادق لەبانى رایگەیاند: حکومەت سەرجەم داواکارییە یاساییەکانى خۆپێشاندەرانى جێبەجێ کردووە و تەنیا داواکاری ئەو کەسانە ماوە، کە ئەجینداى وڵاتانى بیانى جێبەجێدەکەن، لەبانى گوتیشى: ئەوانەى ئەجینداى دەرکى جێبەجێدەکەن، دەیانەوێت رێرەوى خۆپیشاندانەکانى ئاشتى بۆ رێرەوى فیتنە و ئاژاوەگێرى بگوازنەوە و رەوشى سیاسى عێراق بەتەواوى لەبار ببەن.
