کۆمسیۆن بۆ هەڵبژاردن لە کەرکوک چاوەڕوانى یاسایەک دەکات

کەرکوک - تایبەت بە :Kdp.info کۆمسیۆنى باڵاى هەڵبژاردن چاوەڕوانى رێککەوتنى  کوتلە سیاسییەکانى نێو پارێز گاى کەرکوک دەکات، تا یاسایەک دەستبەر بکەن، لەرێگەیەوە بەشدارى لە هەڵبژاردنى ئەنجومەنى پارێزگاکانى عێراق بکەن، لە کاتێکدا کورد و عەرەب سوورن لەسەر بەشدارى هەڵبژاردنەکە لە 20 نیسانى  داهاتوو، کەچى تورکمان  مەرجى بەشدارى کردنیان لە هەڵبژاردنەکەدا بۆ پشت بەستن بە تۆمارەکانى هەڵبژاردنى ساڵى 2004  دەگەرێننەوە، لە کاتێکدا ئەو داواکارییەى تورکمان دەبێتە هۆکارى بێبەشبوونى هەموو ئەو کەسانى کەلە دواى ساڵى 2004 گەراونەتەوە کەرکووک و بەشێکى زۆریشیان  لە کورد پێک هاتوون.