عومەر گونەى لەبارەى کردەوە تیرۆرییەکەى پاریس بەڵگەى بەردەستە
فەرنسا -:Kdp.info ڕۆژنامەی وەتەن ڕاپۆرتێکی تایبەتى لەسەر عومەر گونەی، گومانلێکراوی تیرۆری سێ چالاکوانەکەى پەکەکە لە پاریس ئامادەکردووە، لە ڕاپۆرتەکەدا هاتووە کە گونەی لەبارەی تیرۆری (سەکینە جانسز، فیدان دۆغان و لەیلا سۆیلەمز) ڕایگەیاندووە: کە ئەو، تیرۆرەکەی ئەنجام نەداوە و بەڵگەى زۆریشى لەو بوارەوە لە بەردەستدایە و دەتوانێ بکەری راستەقینە ى رووداوەکە ئاشکرا بکات، لاى خۆشیەوە مامی گومانلێکراوەکە ئەحمەد گونەی، بۆ ڕۆژنامەى وەتەن رایگەیاندووە: هەموو بەڵگەکان ئاماژە دەرن کە کاتژمێرێک پێش تیرۆرەکە، عومەر گونەی لە بینای ڕووداوەکە چۆتە دەرەوە، پێشتریش عەبدوڵڵا ئۆجەلان ڕایگەیاندبوو کە ئەوانەی ئەویان لە 15ی شوباتی 1999 دەستگیر و ڕادەستی تورکیا کردبوو هەر ئەوان لەپشتى رووداوەکەى پاریسن.
