رەڤاندنا دو كچێن پەنابەرێن سوری ل دهۆكێ ب نەوەیێ دەرچوو

دهوك- تایبەت ب KDP.info/ بەرپرسێ راگەهاندنا پولیسێن پارێزگەها دهۆكێ تایبەت بو kdp.infoگوت: ل روژا 21/2 ئەم هاتینە ئاگەهداركرن كو دو كچێن پەنابەرێن كوردێن سوری ل ناڤا سەنتەرێ دهۆكێ هاتینە رەڤاندن و كەس و كارێن وان ل بنگەهێ پولیسێن خەبات سكالا ل سەر رەڤاندنا وان توماركرن، پولیسێن دهۆكێ ژی دەست ب ڤەكولینان كرن كەسەك ژی ل سەر وێ چەندێ دەستەسەركر.

بریندار حەمید شەریف بەرپرسێ راگەهاندنا پولیسێن پارێزگەها دهۆكێ زێدەتر ئاشكراكر دوهی روژا 24/2 پشتی بورینا سێ روژان لسەر بەرزەبونا وان، ئەو هەر دو كچێن پەنابەرێن سوری ئەوێن ب مەرەما رەڤاندنێ بەرزەبوین هاتنە بنگەهێ پولیسێن خەبات لدهۆكێ دیاركر كو ئەو بخو ل سەر رازەمەندیا خو چووینە باژێرێ بەغدا بو مەرەما پەیداكرنا كارەكێ، دیاركریە كەسێ ئەو نەرەڤاندی نە، كەس ژ ب چوناوان بو بەغدا تومەتبارنەكریە، كو بتنێ لێك تێنەگەهشتنەك دناڤبەرا وان و مالێن واندا دروستبویە.

ناڤبری خویاكر : ئەو هەر دو كچ پەنابەرێن روژئاڤایێ كوردستانێ نە دژیێ 18 و 19سالیێ دانە ئاكنجیێن سەنتەرێ دهۆكێ بكرێنە، هەر دوو كچ نوكە ژلایێ پولیسێن دهۆكێ دەستەسەركرینە لێكولین دگەل یا بەردەوامە.

عەبدولا نهێلی