سلێمانى: سەرۆکى عەشیرەتى غەوارە کوژرا
سلێمانی – kdp.info / / سەرۆکی عەشیرەتی غەوارە لەبەردەم ماڵەکەی خۆیدا لەشاری سلێمانی دەستڕێژیی لێکرا‌و دوای ئەوەی بەسەختی بریندارکرا لە نەخۆشخانە گیانی لەدەستدا‌و دوو کەسی دیکەش کە لە ماڵ‌کەیدا بوون برینداربوون، ئاژانسی (ئەسوات ئەلعێراق) بڵاوکردەوە: کە خالیدی خولە سووری سەرۆکی عەشیرەتی غەوارە، ئێوارەی (شەممە) لەلایەن چەند چەکدارێکەوە لەبەردەم ماڵەکەی خۆی لەشارى سلێمانى دەستڕێژی لێکرا‌و بەسەختی برینداربوو، پاشان لە نەخۆشخانەدا بەهۆی سەختی برینەکەیەوە گیانی لەدەستدا و روونیشیکردەوە کە هاوکات دوو کرێکار کە لەماڵەکەى سەرۆکى عەشیرەتى غەوارە دا بوون بەهۆی هێرشەکەوە برینداربوون، لەبارەى هۆکارى رووداوەکە، وردەکاری زیاتر نەخراوەتەروو.
