ژینگەها دهۆكێ رێنما بو پاراستنا ژینگەهێ دەرێخستن
دهوك- تایبەت ب KDP.info/ ب پشكداریا زانگۆیا دهۆكێ و سەروكاتیا رێڤەبەریا گشتی یا پەروەردێ ل پارێزگەها دهۆكێ هێزا پاراستنا ژینگەهێ ل پارێزگەها دهۆكێ ئەڤرۆ درێورەسمەكێ دا كوربەندێ ژینگەهێ ل هولا كونڤەرەنسا یا زانكۆیا دهۆكێ سازكر.
كەریم هێتوتی فەرماندێ هێزا پێشمەرگێ پاراستنا ژینگەهێ ل پارێزگەها دهۆكێ تایبەت بو kdp.infoگوت سالانە بەری هاتنا وەرزێ بوهارێ و دەستپێكرنا سەفرێن قوتابیان كوربەندێ پاراستنا ژینەگەهێ دهێتە سازكرن، ئەڤرۆ ژی دڤی كوربەندی دا رێنما یێن نوی ژبوی پاقژ راگرتنا ژینگەهێ ژلایێ قوتابیان ڤە هاتنە دەركرن، ئەڤ رێنمایە ب رێكا نڤیسارێن فەرمی یێن پەروەردێن قەزایان دێ ل سەر قوتاپخانان دا هێتە بەلاڤكرن داكو دەمێ قوتابی دچنە سەفرا ژینەگەهێ پیس نەكەن و پاقژ رابگرن.
فەرماندێ هێزا پاراستنا ژینگەهێ خویاكر ژی : ئەڤ سالە بەری وەلاتی بچنە سەیرانا دێ رێنما و بریارێن نوی لسەر پاقژ راگرتنا ژینگەهێ هێنە بەلاڤكرن هەر كەسەكێ پێگیریێ پێ نەكەت دێ هێتە سزادان.
