بەیاننامەی فیدراسیۆنی رێكخراوەكانی منداڵان

دوای ئەوەی لە كەناڵەكانی ڕاگەیاندن دەنگۆی تاوانێكی بێ وێنەی دەستدرێژی سێكسی بۆ سەر (16) منداڵی كچی بچكۆڵە كە تەمەنەكانیان لە ( 6 تا9) ساڵی دا بوون بڵاوكرایەوە كە لە لەلایەن گەنجێكی تەمەن (19) ساڵی پیشەكەی كریكار بووە لە سنووری پاریزگای هەولێر، ئێمە وەك فیدراسیۆنی ڕێكخراوەكانی منداڵان بە توندی ئیدانەی ئەم تاوانە قیزەونەدەكەین، داوادەكەین بە هێچ شێوەیەك یاساكانی لیبوردن نەیگرێتەوە سزا بدرێت...

 هەروەك ئاگادارین ئەم تۆمەتبارە پێشووتر ماوەی سالێك لە بنكەی چاكسازی نەوجەوانان بە تۆمەتێك سزادراوە . دوای ئازادكردنی دووبارە پەنای بۆ تاوان بردۆتەوە. لێرەدا ئێمە دەپرسین ئایا ڕۆڵی بنكەی چاكسازی نەوجەوانان لەم نێوەندەدا چی بووە و چ بەرنامەیەكی چاكسازی هەبووە بۆ تۆمەتبارەكە كە دووبارە گەراوەتەوە سەر هەمان تاوان و بە شێوەیەكی گەورەترو نا مرۆڤانەتر تاوانی ئەنجامی داوە...!!!

هەروەها بە پێویستی دەزانین كە ڕۆڵی دایك و باوك لەم پرسەدا بە شێكی سەرەكی بێت لە چاودێریكردنی جگەرگۆشەكانیان جا چ (كور بێت یان كچ) تكا لە دایكان و باوكان دەكەین ڕەچاوی ئەو ڕووداوانە بكەن و زیاتر هۆشیار بن بۆ ئەوەی ئەم تاوانانە دوو بارە نەبنەوە . وە رۆڵی بەرێوبەرایەتی قوتابخانەكان لە رووی ئامۆژكاری و ئاگادركردنەوەی قوتابیەكان ئەكتیڤ بكرێت ...

وێڕای سوپاس و دەست خۆشی لە ئاسایشی كوردستان بۆ دەستگیركردنی تۆمەتبار . یاساش بەرقەرار بێت ..

 

فیدراسیۆنی رێكخراوەكانی منداڵان

21 / 2 / 2013