چل رۆژیا وەغەركرنا قایمقامێ شێخان هاتەساخكرن

شێخان- تایبه‌ت به‌ KDP.info/ جەعفەر سمۆ بەرپرسێ راگەهاندنا بنگەهێ لالەش یێ رەوشەنبیری و كومەلایەتێ ل دهۆكێ بو kdp.infoگوت وەك وەفاداری و رێزلێنان بو گیانێ پاكێ نەمر(حەسو نەرمو) قایمقامێ قەزا شێخان ئەڤرۆ درێورەسمەكێ دا ب ئامادەبونا بەرپرسێن دام و دەزگەهێن میری و حزبی و كەس و كارێن وی چل رۆژیا وەغەركرنا حەسو ل كومەلگەها شاریا هاتە ساخكرن.

هەروەها دیاركر حەسو نەرمو یەكەمێن دامەزرێنەرێ بنگەهێ رەوشەنبیری یێ لالەش بو كو ل سالا 1993 بنگەهێ لالەش یێ رەوشەنبیری دانابو، كەسەكێ رەوشەنبیر و چڤاكی بو، رولەكێ مەزن د رەوشەنبیریا قەزا شێخان دا هەبوو، ژبەر ڤێ چەندێ ئەڤرۆ چل رۆژیا وەغەركرنا وی ژلایێ بنگەهێ رەوشەنبیری یێ شارڤە هاتە ساخكرن.

جەعفەر خویاكر ژی چەندێن پەیڤ بڤێ هەلكەفتێ ژلایێ بنەمالا حەسو ڤە هاتنە خواندن و گەلەك وێنەو پارچە ڤیدیوێن دگەل هەڤالێن وی دا ب رێیا داتا شویێ هاتنە نیشاندان.

 حەسو نەرمو قایمقامێ قەزا شێخان بەری چل روژا ل مالا خودا ل پارێزگەها دهۆكێ ژ ئەگەرەكێ نەدیار بدەستێن خۆ گولەكا دەبانجێ ل سەرێ خودابو دوماهی بژیانا خو ئینایە.

عەبدوڵلا نهێلی