بوچى کچ قەیرە دبن
دێرەلوک/---kdp.infoوەکو ئەم دزانین ل دویڤ پێڤەرەکى گشتى دناڤ جڤاکێ مەدا رێژا ئافرەتان پترە ژ یا زەلامان و قەیرەبوون گەلەک یا بەربەلاڤە دناڤ جڤاکێ مەدا و پێکئانینا ژیانێ ژ کور و کچان دەستپێدکەت و هەر کورەک یان کچەک دەمێ دگەهیتە دژیێ ژن ئینانێدا یان ژیێ شویکرنێدا حەز دکەت کو ژیانەکێ پێک بینیت. ئەگەر نە رەنگە هندەک تشتێن دى بهێنە پێش و ژیان بێ ژن یان ژى بێ شویکرن ب رێڤە ناچیت.
وەکو جڤاکناس دیاردکەن کو قەیرەیى دیاردەیەکا جڤاکییە و دەبرینێ ژ کاودان و رەوشا ئابورى دکەت کو رێژەیا نزم و بلند یا هەبوونا ڤێ دیاردێ ل نک کچ و کوران گرێداى رەوشا ئابورى و وەرارا فێرکرن و رەوشەنبیرى یە و ئاستەنگێن دکەڤنە درێکا شووکرنێ دا گرێداى جڤاکى دبینن. کو دگەل رەوشا فێرکن و زانینێ وپێکا جڤاک گەهشتیێ دیاردا قەیرەیێ دهێتە گوهورین. لەوما مە ب فەر زانى لدور ڤێ چەندێ چەند بوچوونا وەربگرین:
ماموستایەکا قەیرە (ن.م) بو مالپەرێ ئامێدیێ دبێژیت: دەمێ ئەز ل کولیژێ گەلەک دەلیڤە بو من هەلکەفتن لێ چاڤێ من ل خواندنا بلند بوو ژ ماجستێرێ و دکتورایێ و نها ژى ئەز یا بوویە کچەکا قەیرە و ئەز شووى ب کەسەکێ خو ئاست نزمتر ناکەم لەوما ئەز دبێژم ئاستێ خواندنێ دبیتە رێگر هەمبەر نەشوویکرنا کچان.
هەروەسا (ع.ه) سەبارەت ڤێ چەندێ گوتى: ئەز دەرچوویا شەشێ سەرەتایمە و ئەزا کرێتم و من چ باوەرنامێن بلند نینن لەورا سێ خویشکێن من یێن ژمن بچویکتر شویکرن. بەلێ ئەز یا مایم و کەس ل راستا من نەهاتیە.
و ژلایێ خوڤە (ێ.ف) دبێژیت: ژبەر کو ئەز ژمالەکا هەژار و ژچینەکا ئاست ناڤین یێ ژیانێ مە کەس من ناخوازیت کو ئەز شوى پێ بکەم ئەڤروکە ژى سیکسیکا جوان و زەنگینان و مودیلانە و ئەز ژى چ ژمودێلان نزانم.
(ر.ق) کو کچەکا (40) سالیە و خو یێ گرێداى ب دەیک و بابێت خوڤە و گوتى:ئەز ل مال یا بتنێ مە و کەس نینە چاڤێ خو بدەتە دەیبابێت من و ئەز دل ناهێلم وان بهێلم و ئەز ژى حەز دکەم شوى بکەم وەکى هەڤالێن خو چونکە ئەوان زاروک ژى هەنە نهو ژى ئەز نەشێم شوى بکەم راستە ئەز ژیانا خو بو وان دکەمە قوربانى لێ شانسێ من یێ هوسایە.
لدور قەیرەبوونا کچان دچڤاکێ دا ڤەکولەرێ جڤاکى (سابر جبرائیل ) بو kdp.ifo گوتى:
قەیرەیى: دیاردەیەکا جڤاکى یە ل پرانیا جڤاکێن جیهانێ بخوڤە دگریت ب گشتى ل عێراقێ و ب تایبەت ل کوردستانێ.
ئەز وەک ڤەکولەرەکێ جڤاکى ڤێ دیاردێ ڤەدگەرینمەڤە بو ئەڤان هویێن خوارێ دیارکرى:
1- گەلەک خێزان ماینە ڤە بێ دایک و باب ئەڤە ژى ب ئەگەرێ چوینە بەردلوڤانیا خودێ یان هاتبنە کوشتن، پەروەردە و چاڤدێریا خێزانێ مایە ل سەر ملێن کچێن کو بوویە ئەگەرێ نە شوى کرنا وێ.
2- نەشویکرنا کچێ ب دلێ خوە یان نە شیانا و ئازادیا کچێ ب هەلبژارتنا هەڤژینیێ خوە و تەعدایکرنا کچێ ژلایێ دەیبابانڤە بو شویکرنا وێ ژ بو کەسەکێ نە بدلێ وێ.
3- بارێ ئابورى هوکارەکێ دیترە ئەو ژى ژمارەیەکا گەلەکا خەلکى ب تایبەت رەگەزێ نێر چووینە ژ دەرڤەى وەلاتى بوویە ئەگەرێ هندێ کو ژمارا رەگەزێ نێر چووینە ژ دەرڤەى وەلاتى بوویە ئەگەرێ هندێ کو ژمارا رەگەزێ مێ پتر لێ بهێت ژ رەگەزێ نێر.
4- کوشتنا ژمارەکا مشە ژ خەلکى ژ ئەگەرێ ئەنفال و شەرێن بەردەوام ل کوردستانێ و عێراقێ بوویە هوکارەکێ سەرەکى کو گەلەک گەنج بهێنە کوشتن.
راپورت/دلداررەشاڤەى
