رێكا سەرەكیا دناڤبەرا دێرەلوك و شێلادزێ دهێتە گرتن

دێرەلوك- تایبه‌ت ب KDP.info/  ئەڤرو لدەمژمێر 10 بو 11:30 سپیدێ رێكا سەرەكیا دناڤبەرا سەنتەرێ ناحیا دێرەلوك و كومەلگەها شێلادزێ دا ژلایێ خەلكێ گوندێ هاریكا ڤە هاتبوو گرتن .

رەمەزان حەسەن ئێك ژ خونیشاندەرێن رێك گرتی گوتی :ژبو مەرەما خراببونا رێكا گوندێ مە یێ هاریكا كو هەر سال دەمێ گەلەك باران دباریت ئەڤ رێكە خراب دبیت وهاتن وچوونا ترومبیلان دهێتە راوەستاندن وئەڤە چەندین جارە مە داخاز ژ جهێن پەیوەندیدار كر لێ هەتا نها چ بومە نەهاتیە كرن لەوما مەژی ب نەجاریڤە داكو ئاریشا مە چارە بكەن مە جادا سەرەكیا دناڤبەرا دێرەلوك وشێلادزێ گرت وئەگەر بومە چێ نەكەن دێجارەكا دی جادێ گرینە ڤە .

دڤێ دەربارێ دا بەهمەن ئەحمەد رێڤەبەرێ ناحیا دێرەلوكێ گوتی: ئەڤە چەندین پێكول مەكرن ژبوی رازیكرنا خودانێن وان زەڤیا ئەوێن جادە دناڤ دەرباز دبیت كو جادەكا دیتر چێكەین لێ خودانێن زەڤیا رازی نابن ومە ژی داخاز ژلایەنێن خو بلند تر كریە كو كوژمەكێ تایبەت یێ پارە بو بهێتە تەرخانكرن وئەم ێی لسەر شول دكەین داكو خەلكێ گوندێ هاریكا ژڤێ نەخوشیێ دەرباز ببیت وب ئانەهیا خودێ دێ زویترین دەم ئەڤ ئاریشە دێ هێتە چارەكرن .