بەشیر ئاتالای لەگەڵ پیاوانی ئاینی كورد كۆ دەبێتەوە
دیاربەكرkdp.info- / بڕیارە جێگری سەرۆك وەزیرانی توركیا بەشیر ئاتالای رۆژی چوارشەممە سەردانی شاری دیاربەكر بكات و لەم سەردانەی خۆیدا چەندین كۆبوونەوەی جۆراوجۆر ساز بكات.
یەكێك لەم كۆبوونەوانە كە باسی دەكرێت كۆبوونەوەی جێگری سەرۆك وەزیری توركیا بەشیر ئاتالای لەگەڵ پیاوانی ئاینی كورد لە دیاربەكرە و بڕیارە لەم كۆبوونەوەیەدا بەشیر ئاتالای باسی هەوڵدانەكانی توركیا بۆ چارەسەركردنی پرسی كورد بكات و داوای هاوكاری و پشتگیری لە پیاوانی ئاینی كورد بكات.
بڕیارە بەشیر ئاتالای لەم كۆبوونەوەیەدا باسی رۆلی پیاوانی ئاینی لە بەرقەراركردنی ئاشتی كۆمەڵایەتی بدوێت و لە سەر ئەم بنەمایەش داوا لە پیاوانی ئاینی كورد بكات كە بە هەموو لایەكەوە پشتگیری لە هەوڵدانەكانی حكوومەت بۆ چارەسەركردنی پرسی كورد بكەن و هەوڵ بۆ ئامادە كردنی رای گشتی كۆمەڵگەی كوردی بۆ ئەم مەبەستە بدەن.
