یادا دامەزراندنا ئێكەتیا قوتابیان ب چەندین ئاهەنگێن هونەری ل دهۆكێ هاتە ساخكرن

دهوك- تایبه‌ت ب KDP.info/ ب هەلكەفتا بورینا 60 سالان ل سەر دامەزراندنا ئێكەتیا قوتابیێن كوردستانێ و لاوێن دیموكراتا كوردستانێ ئەڤرۆ ل پارێزگەها دهۆكێ ل سەرجەم قوتابخانێن ئامادەیی و بنەرەتی و زانكۆیا دهۆك و زانكۆیا نەوروز و پەیمانگەهان ئاهەنگێن هونەری هاتنە سازكرن.

سەربەست خالد بانی بەرپرسێ ئێكەتیا قوتابیێن كوردستانێ لقێ دهۆكێ بو kdp.infoراگەهاند ئێكەتیا قوتابیێن كوردستانێ ل پارێزگەها دهۆكێ ل ناڤا سەرجەم قوتابخانێن ئامادەیی و بنەرەتی و زانكۆیێن دهۆكێ ئاهەنگێن هونەری سازكرن گوت پتریا قوتابیان ژی خۆ ب جل و بەرگێن كوردی خەملاندبون و پیروزباهی ل ئێك و دو دكرن.

سەربەست خویاكر ژی ل دەمژمێر 10 سپێدەێ ل بارەگایێ لقا دهۆك یا قوتابیان پێشوازی ل مێهڤانان هاتنەكرن و چەندین رێڤەبەرێن دام و دەزگەهێن میری و حزبی پیروزباهی ل قوتابی و لاوێن دهۆكێ كرن. هەر ب هەمان هەلكەفت چەندین چالاكیێن دی ل پارێزگەها دهۆكێ دێ هێنە ئەنجامدان.