ل دهۆكێ ورك شۆپەكا دو روژی بو 20 روژنامەڤانان هاتەڤەكرن

دهوك- تایبەت ب KDP.info/ سەندیكا روژنامەڤانێن كوردستانێ لقێ دهۆكێ هەڤكاری دگەل ئەكادیمیا ئەلمانی ل هەولێرێ ورك شوپەكا دو روژی ل دور چاوانیا نڤیسینا ستونا روژنامەڤانی ل روژنامە و گوڤاراندا بو 20 روژنامەڤان و نڤیسەرێن گوڤارو روژنامێن پارێزگەها دهۆكێ ل ئوتێلا ژیان سازكرن.

جێگرێ سەندیكا روژنامەنڤیسێن كوردستانێ لقێ دهۆكێ خویاكر پشتی ل ڤێ دوماهیێ روژنامە و گوڤار و سازیێن راگەهاندنێ ل پارێزگەها دهۆكێ زێدەبوین، بو مە دیار بوو كو ستوونا روژنامەڤانی ئێك ژ پێدڤیێن روژنامە و گوڤارا یە، بو پاشتركرنا نڤیسینا بابەتێن روژنامەڤانی سەندیكایێ هەڤكاری دگەل ئەكادیمیا ئەلمانی شەش هەیڤە كاردكەت بو ڤەكرنا ڤێ ورك شوپێ ل پارێزگەها دهۆكێ.

رەقیب مەحمود جێگرێ سەندیكا روژنامەنڤیسێن كوردستانێ لقێ دهۆكێ زێدەتر بو kdp.infoدیاركر ئەڤ ورك شوپە ژلایێ ماموستایێ شارەزا رومان زاگروس محەررێ تلەفزیونا bbcڤە دهێتە پێشكێشكرن و بو ماوێ دو روژا 18 و 19/2 دێ بەروامبیت.

رەقیب گوت ژی هەر د كڤانێ ڤی بەرنامەی دا مە لبەرە پشتی ماوەیەكێ دی بەریكانەكا كوتار نڤیسنیێ ل سەر ئاستێ پارێزگەهێ ئەنجامبدەن و باشترین كوتار(ستونا روژنامەڤانی) بهێتە هەلبژارتن و خەلاتكرن، دیسا هەر ب هەڤكاری دگەل ئەكادیمیا ئەلمانێ دماوێ سالا 2013 ل پارێزگەها دهۆكێ دەه چالاكیێن دی دواری روژنامەگەریێ دا بهێنە ئەنجامدان