وەزێرێ پەروەردێ ژ ئاریشێن پەروەردەیی ێن دەڤەرا ئامێدیێ دپرسیت

ئامێدیێ – تایبه‌ت ب KDP.info/ ژبوی هایداربون ژ رەوشا كەرتێ پەروەردی ل سنورێ قەزا ئامێدیێ عسمت محمد خالد وەزیرێ پەورەدێ ب یاوەریا شاندەكێ وەزارەتێ و رێڤەبەرێ گشتی یێ پارێزگەها دهوكێ سەرەدانا قایممقامیا وپەروەردا قەزا ئامێدیێ كر .

وەزیرێ پەروەردێ د گەشتا خودا بو دەڤەرا ئامێدیێ سەرەدانا چەندین قوتابخانێن سنورێ پەروەردا ئامێدیێ كر وژ نێزیك هایداری رەوشا پەروەردا دەڤەری بوو وماموستا وقوتابیان چەندین گازندە وپێشنیار ئاراستەی وەزیرێ پەروەردێ هاتنە كرن،ووەزیری ژی سوزدا كو ئاریشین وان بهێنە چارەكرن .

وەزیری پەروەردی دكونگرەكێ روژنامەڤانی دا دیاركر، كو لسنوری پەروەردا قەزا ئامێدیێ گەلەك كێماسیێن پەروەردێ هەنە وئەڤ دەڤەرە پێدڤی ب بودجەكێ تایبەت هەیە داكو چارەسەریا ئەڤان كێماسیا بهێتە كرن،وسوزدا كو هەمی پێكولا بكەت ژبوی چارەكرنا ئاریشێن پەروەردیێ ئەوێن لسنورێ قەزا ئامێدیێ هەی .