خەلكێ پارێزگەها دهۆكێ ژ پەسەندكرنا بودجێ هەرێما كوردستانێ خوشحالن
دهوك- تایبه‌ت ب KDP.info/ پشتی چەندێن رونشتن ل سەر پەسەندكرنا بودجێ هەرێما كوردستانێ یێ سالا 2013 ل پەرلەمانێ كوردستانێ هاتینەكرن و گفتوگویەكا مەزن ژلایێ پەرلەمانتاران ڤە ل سەر هاتیەكرن و ب پتریا دەنگێن ئەندام پەرلەمانێن كوردستانێ ل روژا ئەینی بودجە هاتە پەسەندكرن ئەڤ چەندە بو یە جهێ خوشحالیا خەلكێ پارێزگەها دهۆكێ داكو پروژێن خزمەتگوزاری ددەمێن خودا بهێنە ئەنجامدان و سولفێن خانوبەرا بو وەلاتیان بهێنە مەزاختن.
روژنامەڤانەكێ دهۆكێ دبێژیت بشتی هەول و تێكوشینەكا مەزن و كێشەوبێشین بەرفرەه ل سەر تێبینیێن ئوپوزسیونێ ل سەر بودجێ هەرێمێ هاتینەكرن بودجە هاتە پەسەندكرن و نەپەسنكرن و گیروبون بودجە كارتێكرن ل سەر بازاری كربون و هەتا گەلەك كەسان موچەیێ خو نەوەرگرتوبون، گوت ژی كێشەو بێشێن ئوپوزسیونێ ل سەر بودجە بو ئەگەرێ گیروبون و نەپەسەندكرنێ دیارە مەرەمێن سیاسی ل پشترابون.
عەبدولعەزیز موحسین روژنامەڤان ل پارێزگەها دهۆكێ بو kdp.infoگوت: پەسەندكرنا بودجێ سالا 2013 جوداهیەكا مەزن دگەل 20 سالێن حوكمرانیا هەرێما كوردستانێ هەبوو، چونكە ئەو ئامارێن دەستهەلاتێ دبودجەدا دیاركری و راگەهاندی تشتەكێ زورێ نمونەیێ بو، دیاربو كو ب شەفافانە ئەو بودجە هاتەپەسەندكرن.
عەبدولعەزیز هیڤی خواست كو ئەو پروژێن هاتینە راگەهاندن ب دەمەكێ نێزیك دا بو وەلاتیان بهێنە ئەنجامدان.
گیروبون و نەپەسەندكرنا بودجێ هەرێمێ ژلایێ ئوپوزسیونێ ڤە هیچ مفایەك تیبَدانەبو بەلكوو كارتێكرن ل گەلەك كارو پروژیێن هەرێمێ دهاتەكرن ئەحمەد محه‌مەد بو kdp.infoدبێژی پارسال هەفت هەیڤ ل سەر بودجێ هەرێمێ ڤەچون ژنو هاتەپەسەندكرن و گەلەك كارێن وەلاتیان مانە دجه دا، بەلێ ئەڤ سالە ددەمێ خو دا بودجێ هەرێمێ هاتە پەسەنكرن، ئەڤەژی جهێ خوشحالیا مەیە چونكە دێ پروژێن خزمەتگوزاری زوری تر پار هێنە ئەنجامدان.
كاروان ئێك ژ ئاكنجیێن سەنتەرێ دهۆكێ بو kdp.infoئاشكراكر، پەسەندكرنا بودجە ژلایێ پتریا دەنگێن ئەندام پەرلەمانێ كوردستانێ ڤە جهێ خوشحالیا مەیە، دێ بێتە ئەگەر كو سولفێن خانوبەران زوی بو وەلاتیان بهێنە مەزاختن دیسان سولفێن زەواجێ و كشتوكالی هەموو سولفێن دی دێ كەڤنە دخزمەتا وەلاتیاندا.
دبودجەیا ئەڤسالەدا پێشینیا خانوبەران ژ 20 ملیونان بو 25 ملیونا هاتە زێدەكرن و سولفێ قەرزێن بچووك و سولفێ كشتوكالێ هاتنەزێدەكرن گەلەگ موچە و دەرمالە بو فەرمابەران تێدا هاتنەزێدەكرن.
عەبدوڵڵا نهێلی
