کەمپینیەک ل دهۆکێ بو کومکرنا هاریکا بو روژئاڤایێ کوردستانێ هاتیە پێکئینان

دهۆک تایبەت بە kdp.info/ سەروکێ لژنا کومکرنا هاریکاریا بو روژئاڤایێ کوردستانێ: خەلکێ دهۆکێ گەلەکێ هاریکارە بو روژئاڤایێ کوردستانێ
ل پارێزگەها دهۆکێ و قەزا و ناحیێن سەر بڤە پێنچ کەمپینى بو کومکرنا هاریکاریا بو روژئاڤایێ کوردستانێ هاتینە پێکئینان تا روژا 23/2 ئەڤ کەمپینە دێ دبەردەوامبن بو کومکرنا هاریکاریێن مادى و کەل و پەلێن ناڤ مالێ خارنێ و ڤەخارنێ.
مەلا ئەنەس محەمەد سەروکێ لژنا بلند یا کومکرنا هاریکاریا ل پارێزگەها دهۆکێ بو kdp.infp  گوت پشتى کو بوماوێ پتر ژ سالەکێ یە شەرو کوشتن و دەربەدەرى و  ترس و برس کەفتیە لناڤا برایێن مە یێن کوردستانا روژئاڤا دا ب نڤیسارەکا فەرمى ژ پارێزگەها دهۆکێ لژنەکا تایبەتمەند ژ هەمو لایەنێن سیاسى و رێکخراوێن ngo ل دهۆکێ هاتە پێکئینان بو کومکرنا هاریکاریا بو روژئاڤایێ کوردستانێ بو ڤێ مەرەمێ ژى پینچ کەمبینى ل دهۆکێ هاتینە دانان بو کومکرنا هاریکاریا.
مەلا ئەنەس ئەو یەک ژى ئاشکراکر کو ل هەمى مزگەفتێن پارێزگەها دهۆکێ بو ماوێ دوو خوتبا دێ سندوقێن کومکرنا هاریکاریێن مادێ هێنەدانان بو هندێ خەلکێ پارێزگەها دهۆکێ هەر ئیک ل دوڤ شیانێن خۆ هاریکاریا برایێن مە ل روژئاڤایێ کوردستانێ بکەت.
ناڤبرى ئیماژەکر کو خەلکێ پارێزگەها دهۆکێ ب شێوەیەکێ باش هاریکاریا روژئاڤا دکەن چونکە خەلکێ دهۆکێ ژى توشى دەربەدەریێ و ئەنفالان بویە ژبەر هندێ پێشبینى دهێتەکرن کو تشتەکێ باش بو برایێن مە ل دهۆکێ بهێتە کومکرن گوت ئەڤ هاریکاریە بەس بو کوردین ئاکنجى ل روژئاڤایێ کوردستانێ نە ئەوێن ل کەمپا دەمیز لێ ناگرن.

عەبدولا نهێلى