سه‌رۆكی هه‌رێمی كوردستان پێشوازی له سكرتێری گشتی یه‌كێتی نه‌ته‌وه‌یی دیموكراتی كوردستان و شاندێكی یاوه‌ری ده‌كات
ئه‌مرۆ شه‌ممه 16/2/2013 به‌رێز مسعود بارزانی سه‌رۆكی هه‌رێمی كوردستان له سه‌ڵاحه‌دین پێشوازیكرد له به‌رێز غه‌فور مه‌خموری سكرتێری گشتی یه‌كێتی نه‌ته‌وه‌یی دیموكراتی كوردستان و شاندێكی یاوه‌ری كه پێكهاتبوو له ژماره‌یه‌ك ئه‌ندامانی مه‌كته‌بی سیاسی یه‌كێتی نه‌ته‌وه‌یی .
له دیدارێكدا ، سكرتێری گشتی یه‌كێتی نه‌ته‌وه‌یی دیموكراتی كوردستان كورته‌یه‌كی ده‌رباره‌ی كۆنگره‌ی پێنجه‌می یه‌كێتیه‌كه‌ی و ئه‌و بڕیار و راسپاردانه‌ی كه لێی ده‌رچوون پێشكه‌ش به سه‌رۆك بارزانی كرد .
سه‌رۆك بارزانی وێرای پیرۆزبایی كردن له سكرتێری گشتی و ئه‌ندامانی مه‌كته‌بی سیاسی به بۆنه‌ی هه‌ڵبژاردنه‌وه‌یان ، هیوای سه‌ركه‌وتنی بۆ خواستن له خزمه‌تكردنی ره‌وتی ژیانی سیاسی و پته‌وكردنی بنه‌ماكانی دیموكراسی و پاراستنی یه‌كریزی و هاوخه‌باتی هه‌موو لایه‌نه سیاسییه‌كانی كوردستان .
