خولەك بو بانگهەلدێرێن دهۆكێ دهێتە ڤەكرن

دهوك- تایبەت بە KDP.info/ رێڤەبەرێ ئەوقافا دهۆكێ دیاركر پشتی بو وان هاتیە دیاركرن كو لەنگیەك ل دەڤ هندەك بانگەهەلدێرێن پارێزگەها دهۆكێ هەیە یان ژی دەنگێ هندەك ژ وان یێ نەخوشە ئەداكرنا بانگی ل دەڤ نینە، وان فەر زانی بو باشتركرنا دەنگێن بانگهەلدێران ل دەمەكێ نێزیك خولەكا تایبەت بو هەمی بانگ هەلدێرێن سنورێ پارێزگەها دهۆكێ ڤەكەن داكو بشێوەیەكی باش و جوان و خوش بانگ بهێتە دان، چونكی خەلكێ مە پێدڤی ب دەنگێن خوش هەنە، كو روژانە ئەو پێنچ جاران بانگی ددەن، داكو ل دەمێن خودا بانگ بهێتە دان و هەمی موسلمانێن دهۆكێ ل دوڤ دەمێن بانگی نڤێژو روژێن خو ئەدابكەن.

ل دور دامەزراندنا گوتار خورینێن نوی یێن ئەڤ سالە هاتینە دامەزراندن مەلا جیهاد حەسەن رێڤەبەرێ ئەوقافا پارێزگەها دهۆكێ بو kdp.infoخویاكر دڤێ هەیڤێ داخولەكا مەشقكرنێ بو گوتار خوینێن نو هاتینە دەمەزراندن دهێتەڤەكرن داكو پتر بشێن گوتارا روژا ئەینیێ ئەدا بكەن و ب حكمەت زانیاریێن دروست بگەهینە گوهداران و گوت بو گەرا سیێ حكومەتا هەرێما كوردستانێ هەڤكاری دگەل ئێكەتیا زانایێن ئاینێ ئسلامێ لقێ دهۆكێ دەه ماموستایێن ئاینی یێن باژێرێ دهۆكێ دێ هنێریتە زانكۆیا ئەزهەر ل مسرێ ل وێری ژێ دێ ژلایێ گوتار خوینێ ڤە هێنە مەشقكرن و بو ماوێ هەیڤەكێ دێ مینن، باشان دێ ڤەگەرنەڤە.

عەبدوڵڵانهێلی