عێراقییە: مەترسى زۆرە پرۆسەى دیموکراسى لە عێراق لەناو بچێت

عێراق –KDP.info   /   لیستى عێراقییە مەترسى خۆى نیشاندا لەئەگەرى لەناوبردنى پرۆسەى دیموکراسى و تەسلیم نەکردنەوەى دەسەڵات بەشێوەیەکى ئاشتییانە، لەلایەن نورى مالیکى سەرۆک وەزیرانى عێراقەوە، نوێنەرى عێراقییە حەمزە کەتانى رایگەیاند: دادگاى فیدرالى عێراق کاریگەرى دەسەڵاتى مالیکى لەسەرە و  ئاماژەکان ئەوە نیشاندەدات، کە  نورى مالیکى سوورە لە سەر وەرگرتنەوى دەسەڵات و پشتگوێ خستنى بریارى ئەنجومەنى نوێنەرانى عێراق،کە ماوەى دەسەڵاتەکانى هەر سێ سەرۆکایەتیی دیارى کردووە و بۆ ئەمەش فشارى خستۆتە سەر دادگاى فیدراڵى تا بریارەکەى ئەنجومەن سڕ بکات، کەتانى بە (ئەین)ى  رایگەیاند:  لێدوانەکانى ئەم دوایەى  مالیکى لەلایەن لیستى عێراقییە،  وەک هەڕەشە بۆسەر پرۆسەى دیموکراسى رادەستکردنەوەى دەسەڵات بەشێوەى ئاشتییانە پێناسە دەکرێت ، نوێنەرى عێراقییە ئەوەشى خستەروو: کە لیستى عێراقییە مەترسى زۆر هەیە، کە هەڵبژاردن نەکرێت و رەوشەکەش بە ناسەقاگیرى بهێڵدرێتەوە، وەک دیارە فشارى هەرێمی  زۆرە مالیکى  کار بۆ ئەو  ئاراستەیە دەکات .