بەرێوەبەری کەنالی نالیا: بارزانی سیمبولی گەلی كوردە و ڕێگە نادەین نالیا بكرێتە سەكۆی جنێودان
سلێمانی- تایبەت - KDP.info/ دوای خۆپیشاندانێكی فراوانی خەڵكی شاری سلێمانی دژی كەناڵی نالیا بەڕێوەبەری ئەو كەناڵە داوای لێبوردن لە سەرجەم خەڵكی كوردستان و كادیرو ئەندامانی پارتی دیموكراتی كوردستان دەكات.
ئێوارەی دوێنێ شەو كەسێك لە بەرنامەی ئێوارانی كەناڵی نالیا هێرش و سوکایەتی بە گەورەیی بارزانی نەمر كرد، دواتر ئەو پەیوەندییە لەلایەن كۆنترۆڵی دەرباز بوو دوای پەیوەندییەكەش پێشكەش كاری بەرنامەكە سوپاس و پێزانینی بۆ ئەو پەیوەندییە دەربڕی. ئێوارەی ئەمڕۆ بە سەدان هاووڵاتیانی شاری سلێمانی لەبەردەم ئەو كەناڵە گردبوونەوەیەكیان ئەنجام دا و داوای ئەوەیان كرد كە داوای لێبوردن لە سومبولی نەتەوەیی و شۆرشگێڕانی كورد بەرنبەر ئەو سوکایەتییە کردنە، بكرێت، لەم بارەوە توانا عوسمان بەڕێوەبەری كەناڵی نالیا لە کۆنگرەیەکی رۆژنامەوانی لە سلێمانی کە پەیامنێری ماڵپەڕەکەمان KDP.info تێیدا ئامادەبوو، ڕاگەیاند بارزانی سیمبولی گەلی كوردە و كەسێكی شۆڕشگێڕی كوردە بۆیە ئێمە وەك كەناڵی نالیا داوای لێبوردن دەكەین لە هەرلایەن و كەسێك لە ڕرَگای كەناڵی نالیاوە سوكایەتی پێبكرێت، گوتی : ئێمە لەمەودوا رازی نابین لە كەناڵی نالیاوە سوكایەتی بەكەس بكرێت و كۆنترۆڵ لەسەر ژمارەی مۆبایلەكان دادەنێین.
ئەوەشی خستەڕوو بۆیە لەكاتی خۆپیشاندان نەهاتۆتە دەرەوە، چونكە خۆپیشاندەران زۆر توڕەبوون و لە گەڵ هەڵۆی ئەحمەد كوردە گفتوگۆی كردووە، كە چۆن ئەو توڕەییەی جەماوەر كەم بکرێتەوە گوتیشی : بەداخەوە بۆ كەسانێك لە ڕێگای كەناڵی ئێمەوە هێرش و سوکایەتی دەكەن، ئێمە ناهێلێن ئەو كەسانە مەرامی تایبەتی خۆیان بەدیبهێنن.
كارزان هەورامی
