لە قەرەهەنجیر تەرمی ئافرەتێكی كوژراو دۆزرایەوە
قەرەهەنجیر –KDP.info / تەرمی ئافرەتێك بە كوژراوی لەسنوری شارۆچكەی قەرەهەنجیر دۆزرایەوە، تێدا نیشانەی خنكاندن و شوێنی فیشەكی پێوە دیارە، هەواڵنێرمان لە شارۆچكەی قەرەهەنجیر پێراگەیاندین: رووداوەكە لە نزیك شارۆچكەی قەرەهەنجیر دروست بووە و ژنەكەش تەمەنی (38) ساڵەوە بە كوژراوی تەرمەكەی دۆزراوەتەوە، كە تێدا نیشانەی خنكاندن لەرێگای قورگییەوە و شوێنی دوو فیشەكیش بە سنگییەوە دیارە و نازانرێت هۆكار لەكوشتنی ئەوئافرەتە، بۆ چی دەگەرێتەوە، سەرچاوەكە راشیگەیاند: تەرمی ئافرەتە كوژراوەكە، ئێستا لە پزیشكی دادوەری پارێزگای كەركوكە و لەژێر توێكاریدایە و تا ئێستاش بكوژ و هۆكاری كوشتنەكەی ئاشكرا نەكراوە، بەدواداچوون لەباریەوە دەستی پێكردووە.
