پێنج رۆژە كریكارێن كارگەها گلێشی ل كواشێ مانگرتییە

دهوك- تایبه‌ت ب KDP.info /  كرێكارێن كارگەها ڤاڤارتنا گلێشی ل كواشێ ژ بەر نەزێدەكرنا دەرمالێن مەترسیێ بۆ ماوێ پێنج رۆژانە مانگرتیە.

بۆ دیاركرنا نەرازیبوونێ لسەر دەرمالەیێن وان یێن مەترسیێ 149 كرێكارێن كارگەها ڤاڤارتنا گلێشی ل كو مەلگەها كواشێ ل سەر ب قەزا سێمێلێ ڤە مانگرتییە و داخوازێ ژ حكومەتا هەرێما كوردستانێ دكەن دەرمالێن وان یێن مەترسیێ ژ بن سیه سەدێ بو سەد ژ سەدێ بهێنە زێدەكرن، چونكی كارێ وان ل كارگەها ناڤبری كارەكێ بزەحمەتە.

ئەندازیار ئیسماعیل بەكر ریڤەبەرێ گارگەها ڤاڤارتنا گلێشی ل كواشێ بۆ KDP.infoدیار كر كو داخوازیێن كرێكاران د جهێ خۆدانە، ئەو ژی ب ئەركێ خۆ لبووینە ب بلندكرنا داخوازیێن وان بۆ رێڤەبەریێن بلندتر لێ هەكەر چارەسەر نەبیت دێ هندەك ستافێ دی پەیدا كەین چونكی چێنابیت كارگەه بهێتە راوەستاندن.

ژلایێ خۆڤە كرێكاران دیاركر كو ئەو دێ بەردەوامیێ دەنە مانگرتنا خۆ تاكو داخوازێن وان دهێنە بجهئینان.