پتر ژ 6هزار تەنێن كەرستێن بسەرڤە چووی ل ئامێدیێ هاتینە ژناڤبرن

ئامێدیی– تایبەت  ب  KDP.info/ یەكا زێرەڤانیا قەزا ئامێدیێ شیایە دناڤ سیك وبازارین قەزا ئامێدیێ دا رێژەیەكا باش یا كەرەستێن بسەر ڤە چووی ژناڤ ببەت وگیانێ خەلكێ دەڤەرێ بپارێزیت ژ هەر مەترسیەكا ب ئەگەرێ ئەڤان كەرستان دگەهیتە خەلكێ دەڤەرێ .

 بەرپرسێ یەكا زیرەڤانیا ساخلەمیا ئامێدیێ (حكمەت حسین) ئامارا ژناڤبرنا كەرستێن بسەر ڤە چووی ێن سالا 2012 بو مالپەرێ kdp.infoدانە دیاركرن وگوت: ئەڤرو 5 تەنێن كەرستێن بسەر ڤە چووێ ژلایێ یەكا مە ڤە هاتنە ژناڤ برن وئەم شیاینە دسالا بوریدا ژی (5736) كێلویێن كەرستێن هشك و(692) كەرستێن رووهن یێن بسەرڤە چوویی دەستە سەربكەین وژناڤ ببەن.

بەرپرسێ یەكا زێرەڤانیا ساخلەمیا ئامێدیێ ئەو یەك ژی دا دیاركرن كو خەلكێ مە زورێ هاریكارە دگەل مە وئەم سوپاسیا وان دكەین چونكێ ئاستێ هشیاریا خەلكی بەرەڤ پێش چوویە وگەلەك جارا ئەو ئاگەهداریا مە دكەن كو كەرستین بسەر ڤە چووی ێن ڤلان دوكانێ یان سوپەرماركیتێ هەی .

 

ئامێدیی / دلداررەشاڤەی