سه‌رۆك بارزانی : هەرێمى کوردستان دەیەوێت پەیوەندییەکى بەهێزى لەگەڵ ئێرلەنداى باکوور هەبێت
ئیرله ندا - KDP.info / ئێواره‌ی سێ شه‌ممه بە نوێنەرایەتى حکومەتى ئێرلەنداى باکوور ، خاتوو ئارلین فۆستەر وەزیرى بازرگانى و وەبەرهێنان ئێوارە خوانێکى لە سەر شەرەفى سەرۆک بارزانى و بە ئامادەبوونى ژمارەیەکى زۆر لە وەزیران و بەرپرس و وەبەرهێنەرانى ئێرلەنداى باکوور لە کۆشکى شاهانەى (هیلز براکاسل ) رێکخست کە تیایدا سەرۆک بارزانى لە وتەیەکدا وێراى سوپاس کردنى حکومەتى ئێرلەنداى باکوور رایگەیاند کە ئەو سەردانە نیشانەى ئەوەیە کە هەرێمى کوردستان دەیەوێت پەیوەندییەکى بەهێزى لەگەڵ ئێرلەنداى باکوور هەبێت و ئایندەیەکى گەشیش چاوەڕوانى هەر دوولامانە .
هه‌مان رۆژ سەرۆک بارزانى سەردانى کۆلێژى میتروپۆلێتێنى بلفاستى کرد و لە لایەن وەزیرى کار و فێرکردن و راگرى ئەو کۆلێژەوە بە گەرمى پێشوازی لێکرا و پاشانیش بەشەکانى فێرکردن و راهێنانى ئەو کۆلێژەى بە سەرکردەوە و باسى هاوکارى هەر لە هەر دوو بوارى خوێندن و راهێنانى نێوان هەر دوو هەرێم کرد و دواتریش بە یاوەریى وەزیرى بازرگانى و وەبەرهێنانى ئەو وڵاتە موزەى مێژوویى (تایتانیک)ى شارى بلفاستى بە سەر کردەوە و ئاشناى قۆناخە مێژووییەکانى ئەو هەرێمە بوو .
