15 خودانێن موەلیدان د هەیڤا ئێكدا هاتینە سزادان
دهوك- تایبەت ب KDP.info/ قایمقامێ قەزا دهۆكێ و سەرپەرشتێ گشتی یێ مولیدێن كارەبێ ل پارێزگەها دهۆكێ راگەهاند هەر قەزایەكێ لژنەكا تایبەت یا سەرپەرشتیكرنا موەلیدا هەیە هەر خودانێ موەلیدەكێ پێگیریێ ب رێنمایێن وێ لژنێ نەكەت دێ هێتە سزادان.
بوتام محسن قایمقامێ قەزا دهۆك بو kdp.infoگوت: ل چەند گوند و گەرەكێن پارێزگەهێ زانیاری ژلایێ وەلاتیان ڤە بو مە هاتینە كو خودانێن موەلیدا گەلەك موەلیدێ نادەنە كارێ و كارەب بو ناهێتە بەردان، یان یا ژی مولیدە خرابویە زوو نەچێكریە ڤە، ڤێ چەندێ ژی لژنێن مە دیڤچوونێ ل سەر دكەن ئەگەر وەسا دەركەفت خودانێ موەلیدێ دهێتە سزادان.
ناڤبری دازانین ژی هەر گەرەكەكێ موەلیدێ وان خارابیت و پتر ژ چار روژا گیروبیت و نەهێتەچێكرن و كارەبێ بو وەلاتیان نەبەردەن خودانێ وێ موەلیدێ دهێتە سزادان ل سەرێ هەیڤێ ژی پارێ وەرگرتنا بهایێ ئەمپیرێ كارەبێ ژێ دهێتەكێمكرن.
ل دور چورێن سزایان ژی بوتان خویاكر بەهرا پتر یا سزایێن خودانێن موەلیدا بەهرا وان یا گازوایلێ ژێ دهێتە برین، دماوێ هەیڤا ئێكا ئەڤ سالە دا 15 خودانێن موەلیدان ل پارێزگەها دهۆكێ سەرپێچی كرینە و هاتینە سزادان.
