گرێبەستا ئاڤاكرنا فرۆكخانا دهۆك هاتە موركرن

دهوك- تایبەت ب KDP.info/ گرێبەستا ئاڤاكرنا فرۆكخانا نێڤ دەولەتی یا دهۆكێ ئەڤرۆ د رێ و رەسمەكیدا ب بەرهەڤبوونا چەند رێڤەبرێن گشتی و سەرۆكێ زانكۆیا دهوكێ دناڤبەرا پارێزگارێ دهۆك و كومپانیەكا توركی هاتە موركرن.

پارێزگارێ دهۆكێ تەمەر رەمەزان پشتی موركرنا گرێبەستێ بۆ دەزگەهێن راگەهاندنێ راگەهاند كومپانیا ماكویل یا توركی ل دەسپێكا هەیڤا 3/2013 دێ دەست ب ئاڤاكرنێ كەت و بریارە د دەمێ 900 رۆژان دا ب دوماهیك بینیت.

كوژمێ پارەی یێ بۆ ئاڤاكرنێ هاتیە دابینكرن 443 ملیون دولارن و ل سەر رووبەرێ 20كیلومەترێن دوجاركی دێ هێتە ئاڤاكرن.

ڤەدەر سوبحی