خولەكا پلە بەرزكرنێ بو 210 ئەڤسەرێن دهۆكێ هاتە ڤەكرن

دهوك- تایبەت ب KDP.info/ رێڤەبەرێ گشتی یێ پولیسێن پارێزگەها دهۆكێ ئاشكراكر هەر سال هندەك ئەڤسەر هەنە شایستێ پلە بەرزكرنێ نە بو ڤێ مەرەمێ ژی خولەك بو 210 ئەڤسەرێن دهۆكێ هاتە ڤەكرن بو هەیاما دو حەفتیا دێ ڤەكێشیت.

عەمید تارق ئەحمەد رێڤەبەرێ گشتێ یێ پولیسێن پارێزگەها دهۆكێ تایبەت بو kdp.infoگوت: هەموو ئەڤسەرێن فەرمانگەهێن سەر ب وەزارەتا نافخۆ ل سنورێ پارێزگەها دهۆكێ بەشداری ڤێ خولێ بوینە، وانەیێن تایبەت ل دور یاسایێ و بجهكرنا وێ و نوشداریا دادوەری و كارێن كارگێری و خانەنشینكرنێ و ڤەكولینێ و هندەك بابەتێن دی بو ئەڤسەران ژلایێ بسپورێن شارەزا و ماموستایێن زانكویێ و دادوەرێن دادگەهێن دهۆكێ ڤە دهێنە پێشكێكرن.

ناڤبری زێدەتر دازانین ل دوماهیا خولێ دێ تاقیكرنەك ب ئەڤسەرێن بەشداربویی هێتەكرن هەر ئەڤسەرەكێ ل تاقیكرنێ دەرنەچوو دێ پلە بەرزكرنا وی بو شەشە هەیڤا هێتە پاش ئێخستن

عەبدوڵڵا نهێلی