هه‌وا كۆمكرنا كه‌لوپه‌لان بۆ ئاواره‌یێن رۆژئاڤایێ كوردستانێ ل دێره‌لۆكێ
ئامیدی-تایبه‌ت به KDP.info/ پشتی ده‌ستپێكرنا هه‌وه‌كا كۆمكرنا هه‌ڤكاریان بۆ ئاواره‌یێن رۆژئاڤایێ كوردستانێ، دۆرێن 20 ملیۆن دیناران و چه‌ندین ته‌نێن كه‌لوپه‌لان ژ ئاهێن خوارنێ و جلوبه‌رگان، ل سنوورێ ناوچه‌یا دێره‌لۆك هاتنه كۆم كرن.
دڤی واری دا به‌همه‌ن ئه‌حمه‌د رێڤه‌به‌رێ ناوچه‌یا دێره‌لۆك بۆkdp.infoدیاركر، ب مه‌ره‌ما كۆمكرنا هاریكاریان و گه‌هاندنا وان بۆ په‌نابه‌رێن رۆژئاڤایێ كوردستانێ، ئه‌و وه‌ك رێڤه‌به‌رییا ناحیا دێره‌لۆك بهه‌ڤكارییا هه‌ردو سه‌نته‌رێن ره‌وشه‌نبیری ل دێره‌لۆك و شێلادزێ كارینه، گوژمه‌یێ 19 ملیۆن و 400 هزار دینارێن ئیراقی، هه‌روه‌ها چه‌ندین ته‌نێن كه‌لوپه‌لان ل سه‌نته‌رێ ناوچه‌یا دێره‌لۆك و كۆمه‌لگه‌ها شێلادزێ كۆم بكه‌ن و گۆت : سوپاسیا هه‌ر یه‌ك ژ مه‌لا و زانایێن ئاینی، مه‌سیحیێن ناوچه‌یێ، هه‌روه‌ها هه‌موو وان لایه‌ن و وه‌لاتیان دكه‌ین، ئه‌وێن دڤێ هه‌وێ دا به‌شداری كری و ته‌كه‌ز ژی كر، ل رۆژێن داهاتی دا ئه‌ڤ گوژمه‌یێ پاره‌ی دگه‌ل وان كه‌لوپه‌لێن هاتینه كۆمكرن، دێ بۆ په‌نابه‌رێن رۆژئاڤایێ كوردستانێ هێنه شاندن
