ل دهۆكێ پتر ژ 100 زیان ڤێ كەفتیێن بارانێ داخازا قەرەبونێ كریە

دهوك- تایبه‌ت ب KDP.info/ قایمقامێ قەزا دهۆكێ تایبەت بو kdp.infoدازانین گەلەك خێزان ل سەنتەرێ پارێزگەها دهۆكێ و دەرڤەی توشی لافاوا بوینە زیانێن مادی گەهشتینێ لێ زوربەیا وان زیانێن سڤكن و هندەك ژوان بەس ئاڤ چویە دناڤ مالێن وان دا.

سەبارەت قەرەبوكرنا زیان ڤێ كەفتیێن لەهیان بوتان محسن قایمقامێ قەزا دهۆكێ ئاشكراكر هەتا نوكە پتر ژ 100 وەلاتیان داخازا قەرەبوكرنێ كریە و بەر دەوام وەلاتی سەرەدانا مە دكەن داكو فورمێن قەرەبوكرنێ پربكەن و گوت ژی زیانێن وەلاتیان ب رێكا لژنەكا تایبەت دهێنە تەخمینكرن داكو ل دوڤ تەخمینا وێ لژنێ بهێنە قەرەبوكرن.

ژ ئەگەرێ بارانا د چەند روژێن بوریدا ل پارێزگەها دهۆكێ باری ل چەندین دڤەرێن پارێزگەهێ لەهی دروستبون و زیانێن مەزن یێن مادی گەهشتینە وەلاتیان.

نیوار فەریق ژ یەكا بەرەڤانیا باژێری ل دهۆكێ تایبەت بو kdp.info پشتی لژنەكا تایبەت ژ بەرەڤانیا باژێری و قایمقامیا دهۆكێ هاتیە پێكئینان كو دیڤچوونا زیانێن لەهیان بهێتەكرن، دیاربون ژ ئەنجامێ لەهێن بارانا زیان گەهشتی یە 400 مالان ل سەرانسەری دهۆكێ ژوانا بەهرا پتر ل قەزا ئاكرێ 119 مال توشی لافاوا بون و زیان پێ گەهشتی یە، ل سەنتەرێ دهۆكێ 94 مال ل كەمپا پەنابەرێن روژئاڤا ل دومیز 61 خیڤەت ل قەزا زاخۆ 61 خێزان ل ئامێدیێ 34 و قەزا شێخان 16 خێزان توشی زیانێن مادی یێن مەزن بونە.

قەزا سێمێلێ كێمترین زیانێن لەهیا پێ گەهشتینە بتنێ 11 خێزان توشی زیانێن مادی بونە.

عەبدوڵڵا نهێلی